الجوازة ضرتنى جامد.. أزمات وقع فيها هشام عاشور عقب زواجه من نيللى كريم

أثار خبر انفصال الفنان هشام عاشور، عن زوجته الفنانة نيللي كريم، جدلًا واسعًا؛ إذ أعلنت نيللي طلاقها منه بعد زواج دام عامين ونصف، واكتفت بكلمة "مفيش نصيب".

هشام عاشور كان قد تعرض لأزمات وانتقادات كثيرة، خلال فترة زواجه من نيللي كريم؛ لا سيّما بعد تعاونه معها في مسلسل "عملة نادرة"، إلى جانب ظهوره معها في مسلسلها "روز وليلى".

هشام عاشور: الجوازة دي ضرتني
عاشور علق على منتقدي عمله معها، واتهامهم له بدخوله مجال التمثيل بالواسطة بعد زواجه منها، وقال في تصريحات سابقة لأحد البرامج: "الجوازة دي ضرتني جامد.. أنا راجل بطل يعني فضلت 27 سنة بتمرن 8 ساعات في اليوم ومبفكرش في حاجة تانية، علشان كده بقت طريقة تفكيري دلوقتي بركز على التدريب في الحاجة اللي عاوزها، ومش برد ولا بسمع لأي كلام لحد ما أحقق طموحي".

وسبق وعلق في تصريحات أخرى قائلًا: "قبل ما أتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير، لأن الناس هتقارنك بيا وإحنا عارفين القصة دي من الأول، ولكن لما الناس تشوف فيا ممثل بجد وبأثر بطريقة معينة هيبتدوا يفصلوني عن نيللي ويبصولي بطريقة تانية".

أزمته مع باسم سمرة
الفنان باسم سمرة كان قد فاجأ الجمهور بحديثه عن هشام عاشور، وقال خلال لقاءه مع رامز جلال ببرنامج رامز جاب من الآخر، وصرح خلاله بأن نيللي كريم تعلمت منه التمثيل، مضيفا: "كان فيه دور وأنا كنت فرحان أوي إن إحنا هنشتغل راحت جايبة جوزها".

وعقب رامز جلال قائلا: "وجوزها بيمثل ليه أصلا"، وهو ما رد عليه باسم بقوله: "بتاع إسكواش".

وأضاف رامز مازحا: "يعني كان بيمرنها في التصوير؟"، ليعقب باسم سمرة: "إتجوزها وكان عايز يمثل فا بطل الإسكواش وعايز يمثل".

وبدوره، رد هشام عاشور على رسالة باسم سمرة، وقال حينها: أنا عارف إن الناس كلها عمالة تبعت والناس كلها بتحب الـ Action، تموت وتتفرج على اتنين بيموتوا بعض، عشان أرد بس على القصة بتاعت أستاذ باسم سمرة، دا رجل ممثل محترف ورجل لطيف جدا وقلبه أبيض، وجدع وأنا عن نفسي بحبه جدا، وأتمنى أشتغل معه في يوم من الأيام".

وتابع: هو من الآخر اتاخد على خوانة، التاني قاله أنا أخوك، أنا حبيبك تعالى بس نقعد مع بعض، واحنا خارج التسجيل، وهشام عاشور ونيللي كريم، والتاني بيعلي الإفيه بكلمتين ساعات وانت دمك خفيف بتعلي الإفيه عادي يعني، وصورها ونزلها، تخيل أنا قاعد مع أخويا بنتكلم عن ابن خالتي، أو حد قريب مننا وبنقول مثلا دا مراته كذا دا حصل كذا، عادي بنتكلم في موضوع بتحصل يعني، يقوم مصورني أخويا ومنزلها في كل حتة ومخلي منظري وحش.

واختتم: يعني بصراحة ـ مش عارف أقول ايه بيئة جدا وصفيقة جدا، ورخيصة جدا، الله يكون في عونك يا معلم، يعني هو دا الضحك هتجيب فلوس كدة؟ الدم الخفيف مفهوم، يعني دا لا دم خفيف ولا لذاذة، معرفش، الله يكون في عونك وزعلان منك.