شيماء سيف: وجود الراجل فى الحياة مضايقنى

حلت الفنانة شيماء سيف ضيفة على برنامج "كلام الناس" الذي تقدمه ياسمين عز مساء الجمعة 24 مايو، وتطرق الحديث بالطبع لرأيها في الرجال وأكثر ما يضايقها منهم.

قالت شيماء سيف الراجل عموما مضايقني وجوده في الحياة مضايقني، أنتِ جيالي في يوم عندي خناقة فمش هتاخدي مني حاجة كويسة، الرجل عموما، مي لنفسه حجم أكبر من حجمه، أصل أنا مابعملش غير حاجة واحدة واحنا غير الستات، وبنركز في حاجة واحدة بس واطلبي طلب واحد.

لتقاطعها ياسمين عز صدق وتجاوبها شيماء آه صدق وعبط، اللي بيقوله ماينفعش ليه يا حبيبي ليه أنا ابقى مركزة اوي وبعمل 100 ألف حاجة وأنا أقول لك هات دا وانت جاي وكلم الرجل أكد عليه، ولا لازم تحصل أي لخبطة.

وأضافت شيماء سيبك إن أنا ممثلة وحد يعرفني أنا انهاردة ست مصرية جاية اشوف اخرك إيه الرجل شخصية محدودة رحم الله امرئ عرف قدر نفسه حضرتك محدود يبقى تعيش على هذا المبدأ، ماتديش نفسك حجم أكبر بما إن أنا ربنا مديني إني الف نحلة وحضرتك بتعمل حاجة واحدة فتيجي آخر اليوم كتر خيرك يا حبيبتي مش عايزة غيرها إنما بنعمل حاجة واحدة وبننفخ أوي لا أنا عاملة كتير بس ساكتة وفهي دي بقى.

واختمت حديثها قائلة من ضمن المشاكل اللي عند الرجالة وعلى فكرة دي مش عندي بس أنا أتناقش مع صحباتي وبلاقي طبعا إن كلنا عندنا نفس المشكلة إن تبقى عندنا خناقة كبيرة أوي وأنا في قمة انفعالاتي ومشاعري وبعدها بالضبط بـ3 ثوانى إيه يا شوشو هناكل ايه لا شوشو ايه إحنا في حرب.