"خريج السجون شكله مش حلو".. هانى شاكر عن حمو بيكا: "مش عايز أضيع مستقبله"
الأربعاء 14/أبريل/2021 - 09:33 م
أميرة عبدالهادى
أكد الفنان هاني شاكر، أنه لا يتخذ أي موقف شخصي من مغني المهرجانات حمو بيكا، قائلا :"لو حاطه في راسي مكنتش اتنازلت عن القضية".
وعن سبب تنازله عن القضية، قال هاني شاكر، خلال حواره مع المخرجة إيناس الدغيدي في برنامج "شيخ الحارة والجريئة" المذاع عبر فضائية "القاهرة والناس": "مش عايز أؤذيه ولا أضيع مستقبله، خريج السجون شكله مش حلو، لكن أخرت القرار لأخر وقت قرصة ودن، كان لازم موقف، لأن النقابة لها احترامها وقدسيتها".
وأردف هاني: "أنا معنديش مشكلة معاه، لو شفته في الشارع بتكلم معاه عادي، وهسلم عليه وأبوسه".
وعن إمكانية انضمام حمو بيكا للنقابة، قال شاكر: هو عمل اختبار في النقابة ومنجحش، اللجنة سقطته، هيفضل يشتغل وهو ساقط ربنا معاه".
