عبير صبرى توضح حقيقة تصريحها عن الحجاب: "تريند رخيص"
الأربعاء 06/يناير/2021 - 02:56 م
رضوى فاروق
عبرت الفنانة عبير صبري، عن استيائها الشديد، حول تصريحاتها عن ندمها على لبس الحجاب، مؤكدة على أن تصريحها اقتطع من سياقه الأساسي.
وكتبت "صبري" عبر حسابها الشخصي على موقع تبادل الصور "انستجرام": "صباح الخير ارجو من رواد السوشيال ميديا انهم ميصدقوش المواقع اللي تاخد كلام في برنامج متصور صوت وصوره ويلحقوا قبل اذاعه الحلقه ياخدوا نصف التصريح عشان يغيروا معناه لزياده مشاهداتهم وميهمهمش سمعه وكرامه الفنان اللي هيتعرض ليه الفنان".
واستكملت حديثها، قائلة: "طالما هيعملوا ترند محروق الترند الرخيص علي اللي بيسعي ليه راي كان ومازال الحجاب فرض اؤمن به تماما واجابتي عن السؤال كانت في حلقتي اللي هتعرض يوم الجمعه والسبت في برنامج واحد من الناس مع دكتور عمرو الليثي هل ندمتي علي الحجاب قلت حرفيا ندمت اني لبسته قبل مااكون مستعده مظبوط للخطوه دي وندمت اني قلعته واتمني ارجعله في وقت تاني".
واختتمت حديثها: "فلو سمحتم متحطونيش في خانه مش بتاعتي ولا انتمي ليها انا اؤمن بالحجاب واحترمه وامي واختي محجبات وانا بعرف انا بقول ايه كويس اما شتايم الناس فهي في رقبه كذب المواقع الباحثين عن ترندات قله القيمه وشكرا".
