بسنت نور الدين: "انا مش حلوى مغطاه .. ودعوا الخلق للخالق"‎

وتداول عدد كبير من مستخدمى وسائل التواصل الاجتماعي لكوميك ومنشوارت ساخرة عن علاقة "مسعود" بالنساء ومفهوم الزواج عنده بعد تعدد زيجاته من شخصيات ذات ثقافات متعددة، فى إشارة إلى المحجبة وغيرها. 

وخرجت بسنت نور الدين غاضبة، من خلال حسابها الرسمى بموقع التواصل الاجتماعى لتعلن عن رفضها لما يتم نشره والزج باسمها خلالها قائلة :" كلنا كبشر طبيعيين لما بنمر بتجربة صعبة .. بيتاخد كتير من روحنا و عمرنا لغاية لما بنعرف نتجاوزها ..و لما بنفتكرها غصب عننا.. بيصحى فينا جزء من الألم ..

وتابعت :"من الأذى الشديد ان اللي حواليك يتعاملوا معاك كإنك ”شئ ” مش انسان .. يستخدموا صورتك و يخوضوا فى حياتك الشخصية علشان انت شخصية مشهورة .. وكإن المشهور مش انسان من روح و دم و احساس.. افتح السوشال ميديا ألاقي حياتى مشاع .. صورتي ضمن مجموعة صور فيها غزل و ضحك بسبب قدر ربنا ”سبحانه وتعالى“  كتبه عليا اني امر بيه ، و خلاص القدر عدى و انتهى من حياتي". 

وشددت قائلة :"انا مش حلوي مغطاة و غيرى مش حلوى مكشوفة.. وماحدش فينا مُجرد صورة برقم بيتعد ..انا اختك و هي قد تكون بنتك .. الكلام ده مؤذي لينا و لأهلنا .

واختتمت حديثها قائلة :" بلاش حُب الشير و اللايك يطغى على انسانيتنا ..و دعوا الخلق للخالق.. دا ”اماطة الأذى عن الطريق صدقة ” .. فما بالكم ”بإماطة الأذى عن مشاعر الناس“ .