شريف مدكور يكشف تأثير الكيماوى على شعره أثناء مرضه بالسرطان
الخميس 13/أغسطس/2020 - 09:25 م
أميرة عبد الهادي
بعث الإعلامي شريف مدكور رسالة أمل إلى مرضى السرطان، مؤكدًا أهمية النظر إلى المرض بإيجابية، متخذًا تجربته مع سرطان القولون، خير مثال لإثبات أهمية البحث عن جانب يبهج القلب حتى وسط الصعوبات، إذ لفت ضاحكًا إلى أنه كان للعلاج الكيماوي تأثير مغايرعلى شعره، فلم يسقطه بل بدل ملمس خصلات الشعر لتصبح ناعمة بدلًا من المجعدة.
وقال "مدكور" خلال لقائه ببرنامج "السفيرة عزيزة"، المذاع عبر قناة "dmc"، "بشوف السرطان لما بيجي للواحد بيغير شخصيته للأحسن، وكان لي السرطان اختبار وهدية حلوة من ربنا، وكنت بحاول أغير مفهوم المرض عند الناس، هو أي مرض وحش وأي حد بيشوفنا وعنده سرطان أو لسه مكتشف إصابته بالمرض، الطب تقدم وأهم حاجه النفسية مع المرض دا، ولازم يكون عندك إيمان بربنا ونفسك أنك هتخف".
وتابع ضاحكا: "وتأخد الأمور بطريقة لذيذة، زي ما أنا كنت بقول الكيماوي ماوقعليش شعري لكن غير شعري، بدل ما كان كيرلي بقى مفرود زي كأني عامل سشوار.. ونقول شكرا يارب أنه أدتني المرض عشان اكتشف نفسي أكتر فمناخدهوش بطريقة مرعبة، وأنا فعلا ماتصدمتش من المرض ولما عرفت روحت كملت شغلي عادي، لأني لما كنت قبلها بأربعة أشهر بعمل عمرة وطلبت من ربنا أي رسالة أنك بتحبني، وجالي السرطان وشوفت حب الناس".
