أحمد السعدنى: "أولادي ما يعرفوش حاجة عن أعمال أبويا"
الخميس 26/سبتمبر/2019 - 01:24 م
علياء أحمد
أعرب الفنان أحمد السعدني، عن حزنه من أن الاجيال الجديدة لا تعرف الكثير عن فنانين الزمن الجميل، و عقد مقارنة بين حال السينما فى الماضي و الآن.
و كتب "السعدني" عبر حسابه الرسمي على "فيسبوك"، فائلاً: "احد اسباب عشقنا للسينما زمان انها تاريخ موثق و كان دايماً يتقال الفنان خالد باعماله حتي بعد رحيله.. للاسف مبقاش الكلام ده صح و انا بقلب بالصدفه لقيت فيلم لمحمد فوزي (فاطمه و ماريكا و راشيل) طبعا حصل جوايا تداعي لكل حاجه جميله حستها و انا صغير و بعد ما ركزت شويه و فقت من حالة النشوه دي اكتشفت اني بقالي اكتر من ١٠ سنين متفرجتش علي فيلم ابيض و اسود اللهم مرة يتيمة عند محمود البزاوي اتفرجنا علي فيلم ابن حميدو عاليوتيوب و كان حيجيلنا سكته قلبيه من الضحك يومها".
و تابع:" للاسف ولادي انا شخصياً ميعرفوش اسماعيل يس و لا محمد فوزي و لا فريد الاطرش و ... لا ثانيه واحده كده دول ميعرفوش نور الشريف و احمد زكي و محمود عبد العزيز ميعرفوش غير ان جدهم صلاح السعدني ممثل بس مشافولوش حاجه اه يا زمن ماسخ ملوش لون و لا حتي ابيض في اسود".
و من ناحية أخرى، يشارك الفنان أحمد السعدني فى بطولة مسلسل "شبر مية" مع نجلاء بدر، مراد مكرم، محمد على رزق، حنان سليمان، نهى عابدين، ثراء جبيل، و تأليف شريف بدر الدين، وإنتاج شركة سينرجى.