في يوم ميلاده.. محمد عطية يوجه رسالة مؤثرة لـ أكرم حسني والأخير يرد
يحتفل اليوم الفنان أكرم حسني بعيد ميلاده، وحرص الفنان محمد عطية على تهنئته بهذه المناسبة، من خلال نشر مجموعة من الصور والفيديوهات التي تجمعهما عبر حسابه الرسمي على موقع تبادل الصور والفيديوهات «إنستجرام»، موجهًا له رسالة مؤثرة كشف خلالها عن مكانته الخاصة في حياته.
محمد عطية يوجه رسالة مؤثرة لأكرم حسني
«كل سنة وإنت طيب يا أكرم.. الحمد لله على وجودك في حياتي.. أنا بحس إن دعوة أمي ليا جاتلي في أصحابي، وخصوصًا إنت.. صديق زي اللي بيطلعوا في أفلام السينما والروايات.. مافيش حد كده في الزمن ده.
أنا مهما كتبت كلام مش هعرف أقولك شكرًا على كل حاجة عملتها، ساعدتني أعدي أصعب فترة عدت عليا في حياتي.. مستحيل كنت أقدر أتجاوز وأتأقلم مع الحياة بعد وفاة أمي من غيرك.
بتعرف تحتوي كل اللي حواليك، حتى لو إنت مش تمام، بتبقى حريص إن كل اللي بتحبهم يكونوا تمام.. أنا بتمنالك في عيد ميلادك إن كل اللي عملته معايا يتردلك خير.. ربنا يديم المعروف، وتفضل أخ وسند ليا دايمًا.. بحبك يا صاحبي».
أكرم حسني يرد على محمد عطية
ومن جانبه، رد أكرم حسني على رسالة محمد عطية، ممازحًا إياه بسبب حديثه الجاد، حيث كتب: «مش متعود عليك وإنت بتتكلم جد، وعايز أرد رد، بس مينفعش هنا. وإنت طيب يا عطعط، وربنا يسعدك يا رب يا حبيبي».
وتفاعل الثنائي مع المناسبة بطريقة جمعت بين المشاعر الصادقة وخفة الظل، خاصة أن رسالة محمد عطية كشفت عن علاقة صداقة قوية تجمعه بأكرم حسني، ودوره في مساندته خلال فترة صعبة من حياته.