فرح الموجي لـ"وشوشة": بحب الأغاني الدراما وعايزة أجرب كل الأشكال
تستعد الفنانة فرح الموجي لطرح مجموعة من الأغاني السينجل خلال الفترة المقبلة، حيث تخطط لطرحها بشكل متتابع.
وقالت فرح الموجي لـ«وشوشة»: «بجهز أكتر من أغنية سينجل، وهينزلوا بشكل متتابع، ولسه لم يتم الاستقرار حتى الآن على الشكل اللي هننزل بيه الأغاني، سواء دراما أو إيقاع أو سريع، لكن غالبًا هيكون دراما».
وعن اللون الغنائي الأقرب إليها، أوضحت: «بصراحة بحب الأغاني الدراما شوية، بس عايزة أجرب نفسي في كذا شكل، عايزة أغني الدراما، أنا عملتها قبل كده، وعايزة أغني الأغاني الفرحانة».
وأضافت: «علشان تبقى الأغاني مناسبة لكل الأحداث، لأن أوقات بتبقي عايزة تسمعي ده، وأوقات عايزة تسمعي ده، وأوقات عايزة تسمعي ده، فأنا لو هعمل، هعمل كل ده، يعني هعمل كل الأشكال».
وخلال الأسابيع الماضية، طرحت فرح الموجي أغنية «أول يوم في بيتنا» عبر قناتها الرسمية على «يوتيوب» ومختلف منصات الاستماع الموسيقية، بالتعاون مع الفنان أحمد جمال.
وتعاون في الأغنية الشاعر حسام سعيد، الذي كتب كلماتها، بينما تولى أحمد جمال وضع ألحانها، وجاء التوزيع والميكس والماستر بتوقيع إلهامي دهيمة، وقدمت فرح من خلالها طابعًا رومانسيًا مبهجًا يتناول بدايات الحياة الزوجية وتأسيس عش الزوجية.