مصطفى حدوتة لـ"وشوشة": أي أغنية تحمل اسمي مع مطرب أعرف أنها عمل مختلف

تحدث الشاعر مصطفى حدوتة في تصريح خاص لـ”وشوشة” عن كواليس تعاونه مع الفنان أحمد سعد في أغنية “فلوس بابا".

وقال مصطفى حدوتة:"أغنية فلوس بابا اشتغلنا عليها من بدري، وكانت في البداية المفروض تنزل بأحمد سعد لوحده، لكن أحمد سعد سمعها ديستنت مع أحمد سعد، وقال إنه عايز يدخل فيها، والحمد لله أحمد سعد كلمني في نفس اليوم، وكان معايا ديستنت وسمع الأغنية وكان طاير بيها، وقرر يدخل معايا فيها".

وأضاف مصطفى حدوتة قائلاً:"طبعاً فرحت جداً بالموضوع، خصوصاً إن ديستنت اشتغلت معاه قبل كده، وأنا من مستمعينه، وكنت عملت له أغنية قبل كده مع محمد رمضان اسمها استيكا ضمن ألبوم ديستنت، والحمد لله التعاون الحالي حقق نجاح كبير".

وتابع مصطفى حدوتة حديثه قائلاً:"أنا شايف إن فلوس بابا هي أهم أغنية عملها أحمد سعد السنة دي، وده حقي كشاعر ومشارك في العمل إني أقول رأيي في أغنيتي، خصوصاً لما يكون الجمهور شايف النجاح اللي حققته".

واختتم مصطفى حدوتة حديثه قائلاً:"أنا عملت أغنية تانية لأحمد سعد اسمها جوزها، لكن لما الناس بتسألني عن فلوس بابا فده لأنها أصبحت الأغنية الأبرز له هذا العام، وأي أغنية تشوفوا عليها اسم مصطفى حدوتة مع مطرب معين اعرفوا ان دي اهم اغنية مع المطرب دة".