وائل عوني يتحدث عن نجوم "مسرح مصر": الحظ والاجتهاد وراء اختلاف مشوار الفنانين
نظمت مجموعة وشوشة الإعلامية ندوة خاصة مع الفنان وائل عوني، تحدث خلالها عن رؤيته لطريقة البحث عن الفرص الفنية، مؤكدًا أنه يفضل تقديم موهبته وأعماله بدلًا من طلب المشاركة في الأعمال بشكل مباشر.
وتحدث الفنان وائل عوني لـ"وشوشة" عن اختلاف مسيرة نجوم "مسرح مصر"، موضحًا أن نجاح كل فنان يرتبط بالعديد من العوامل، من بينها النصيب والظروف والحظ، مشيرًا إلى أن بعض الفنانين يحصلون على فرص أكبر في أوقات معينة، بينما ينتظر آخرون فرصتهم المناسبة.
وقال وائل عوني: "الموضوع كان مقسوم نصين، في ناس ربنا كرمها وبقت تشيل أدوار وبطولات، وفي ناس كان نصيبها أدوار أقل، لكن في النهاية كل واحد ونصيبه، واللي مكتوب له هيحصل".
وأضاف أن اختلاف الفرص بين الفنانين قد يكون نتيجة ظروف وملابسات متعددة، موضحًا: "ممكن يكون في حاجات كتير أدت إن جزء ينجح أكتر من جزء، وممكن يكون الحظ لعب دور، وممكن كمان يكون فيه اجتهاد، وكل واحد بيعمل اللي عليه".
وأشار عوني إلى أن فريق "مسرح مصر" يشبه الفرق الرياضية، حيث توجد دائمًا أسماء أساسية وأخرى تنتظر الفرصة، قائلًا: "في أي فرقة في الدنيا، سواء فريق كرة أو أي مجال، في ناس بتكون على الدكة رغم إن إمكانياتها أعلى من ناس نزلت الملعب، لكن لما تيجي الفرصة وينزل يلعب، يا إما يثبت نفسه يا إما لا، وفي النهاية ده نصيبه".
وعن الحديث حول تعرضه للظلم داخل تجربة "مسرح مصر"، أكد وائل عوني أن الأمر لا يتعلق فقط بعدم حصوله على فرصته، موضحًا: "أنا أصلاً ما لعبتش، يعني الفترة اللي فاتت ما عملتش حاجة، لكن الموضوع مش بالشكل ده".
وأوضح أن تكرار بعض الأفكار عن الفنان قد يجعل الجمهور يصدقها، قائلًا: "أحيانًا الأزمة من كتر ما أنت بتقول حاجة، الناس بتصدقها، مش أنت بس اللي بتصدقها، الناس في الشارع بتصدقها.
وتابع: "في ناس لحد دلوقتي بتسأل ليه مش بشوفك في مسلسلات كتير أو أفلام سينما، لأن ارتباط الناس بيكون بالحاجات اللي شافوها، وفي أعمال قديمة لناس كتير ما شافتهاش، فبيبقى الحكم عندهم على آخر حاجة ظهرت لهم".