سمية الخشاب لـ"وشوشة": اللي حصل للمنتخب المصري بكأس العالم هدية من ربنا

أعربت الفنانة سمية الخشاب عن سعادتها الكبيرة بالإنجاز التاريخي الذي حققه المنتخب المصري بالتأهل إلى دور الـ16 من بطولة كأس العالم 2026، مؤكدة أن هذا الإنجاز كان بمثابة هدية أسعدت كل المصريين وأدخلت البهجة إلى قلوبهم.

وتحدثت سمية الخشاب في تصريح خاص لـ"وشوشة" قائلة:"اللي حصل امبارح كان هدية كبيرة من عند ربنا للمصريين إحنا فعلًا كنا محتاجين حاجة تفرحنا، والفرحة اللي شوفتها في الشوارع وفي كل مكان كانت طالعة من القلب، وأنا فرحت جدًا باللي حققه ولاد بلدنا".

وأضافت سمية الخشاب قائلة:"مفيش أحلى من النجاح، ومفيش أجمل من إن الواحد يفرح بأبناء بلده وهم بيشرفوه. بشكر كل لاعبي المنتخب، وبشكر الكابتن حسام حسن، وكل واحد تعب وبذل أقصى مجهوده في الملعب علشان يفرح المصريين".

وتابعت سمية الخشاب حديثها قائلة:"من قبل بداية كأس العالم كنت بتمنى وأتوقع إننا نوصل لدور الـ16، والحمد لله ربنا كرمنا ووصلنا بفضل الله، وبفضل الحماس الكبير والمجهود الرهيب اللي قدمه ولادنا".

واختتمت سمية الخشاب حديثها قائلة:"يارب يكملها علينا بالخير، ومش بعيد علينا نوصل لأبعد من كده إحنا المصريين أصحاب تاريخ وأصالة، ومع دعوات ملايين المصريين إن شاء الله نحقق إنجاز أكبر ألف مبروك لمصر ولكل المصريين".

المنتخب المصري يواصل كتابة التاريخ في كأس العالم 2026

حقق المنتخب المصري إنجازًا تاريخيًا بالتأهل إلى دور الـ16 من بطولة كأس العالم 2026 للمرة الأولى في تاريخه، بعدما حسم مواجهة أستراليا بركلات الترجيح بنتيجة 4-2، عقب انتهاء الوقتين الأصلي والإضافي بالتعادل 1-1.

ونجح الفراعنة في تقديم مستويات مميزة عكست الروح القتالية والإصرار داخل الملعب، ليحصدوا إشادة واسعة من الجماهير ونجوم الفن، الذين أكدوا أن هذا الإنجاز أدخل الفرحة إلى قلوب المصريين، معربين عن ثقتهم في قدرة المنتخب على مواصلة المشوار وتحقيق إنجاز أكبر خلال الأدوار المقبلة.