متحدث الصحة: 91% من الدواء يتم تصنيعه محليا ولا توجد أزمة في الدواء
كشف الدكتور حسام عبدالغفار المتحدث الرسمي باسم وزارة الصحة، عن حقيقة وجود أزمة في الدواء في مصر، مشيرا إلى وجود استقرار كبير في منظومة الدواء منذ ما يقارب عامان.
وأوضح، خلال استضافته في برنامج «صباحك مصري» المذاع عبر شاشة ام بي سي مصر، مع الإعلامي هشام عاصي، أن 91% من الدواء الموجود في السوق المصري يتم تصنيعه محليا.
وأضاف: «ممكن لما كان في أزمة سابقة في توفير العملة الصعبة، كان في مشكلة في استيراد المواد الخام، لكن منذ أكثر من عامانوالدولة مستقره وحريصة على الاستقرار ده، لكن مفيش دولة في العالم عندها 100% طول الوقت موجوده الأدوية ودي نسب عالمية يعني».
وتابع: «اللي بيميزنا إننا عمر ما حصل في يوم كان في مجموعة علاجية كاملة مش موجود حتي في الأزمات الشديدة، الدواء اللي الناس متعودة عليه هو اللي ممكن يبقى مش موجود، لكن المادة الفعالة من الدواء موجودة جدا».
وأردف: «حاليا عندنا تصميع إنسولين محلي، وعندنا أكثر من نوع في السوق المصري، وكمان عندنا المستورد متوفر، في فرق بين البديل والمثيل، البديل هو دواء بيعالج نفس المرض لكن المادة الفعالة مختلفة، لكن المثيل هو نفس المادة الفعالة والتركيز وآلية التعاطي لكن الاسم التجاري مختلف».
