ياسمين عز تشعل الجدل: الدوري في الجزيرة.. ومبروك مقدمًا للأهلي!
أثارت الإعلامية ياسمين عز حالة من الجدل بتصريحاتها حول المنافسة على لقب الدوري، وذلك خلال برنامج «كلام الناس» المذاع على قناة MBC مصر، حيث أكدت ثقتها في تتويج الأهلي بالبطولة.
إشادة بأداء الأهلي
قالت: «النادي الأهلي العظيم والنادي الأكثر حصولا على الدوري لاعيبة الأهلي اللي بتكسب بمهارتها وإصرارها مبتكسبش بجول أوفسايد بتكسب بجول صحيح صحيح».
ثقة في الفوز بالمباريات الكبرى
وأضافت: «وفي أصعب أحوالنا هنكسب ماتش القمة عادي وناخد الدوري عادي لأنه الدوري بتاعنا ومسمعش حد يتلكك ويقولي بعد مانكسب أصل إنتوا كسبتوا بمعرفش اي وأصل الجول كان أوفسايد ولا اي».
تعليق ساخر على الجدل التحكيمي
وتابعت: «ومعلش يا حبيبي هي الدنيا كده دوراة يوم أوفسايد عندك ويوم أوفسايد عندي والدوري كده كده في الجزيرة فمتحاولوش تكونوا ضد قوانين الطبيعة».
وأشارت قائلة: «الأهلي هيكسب بيراميدز والزمالك وهناخد الدوري وكل إنسان يتمنى لناديه اللي هو عايزه وإحنا بنقول إن شاء الله إنه الأهلي هيكسب وياخد الدوري وأنا أهو وانت اهو ومبروك مقدما للأهلي».
