هيدي كرم تكشف لـ"وشوشة" كواليس فيلم “فاميلي بيزنس”: توليفة ممتعة وتجربة مختلفة

تحدثت الفنانة هيدي كرم عن مشاركتها في فيلم فاميلي بيزنس بطولة محمد سعد وغادة عادل، مؤكدة أن التجربة كانت مختلفة ومليئة بالكواليس المميزة.

وفي تصريح خاص لـ”وشوشة” تحدثت الفنانة هيدي كرم عن أسباب حماسها للفيلم قائلة: “بالنسبة للفيلم لأن أنا مشتغلتش مع أستاذ وائل إحسان ومع سعد قبل كده فكنت حابة جداً أشتغل معاهم، وأنا نفسي أعمل كوميدي يعني دوري ماكنش كوميدي بس نفسي أشتغل في أعمال كوميدية الفترة اللي جاية وبحاول أركز في الموضوع ده".

وتابعت: “غادة صاحبتي جداً لأني اشتغلت معاها قبل كده، وهي إنسانة جميلة وvery professional ومحترمة وطيبة وجدعة ونضيفة جداً، والشغل معاها بيبقى ممتع أوي أوي، بحس إني قاعدة مع أختي في البيت وبنلعب مع بعض، وكنت مبسوطة إن حظي حلو واشتغلنا مع بعض عملين ورا بعض".

وأضافت: “الناس اللي شافت الفيلم عجبها جداً القصة والكاست، وأنا لسه مدخلتوش السينما مع الجمهور لأني كنت مسافرة الفترة اللي فاتت، لكن متحمسة جداً إني أشوفه".

كذلك أشادت بكواليس التعاون مع فريق العمل قائلة: “استمتعت جداً بالشغل مع سعد ومع أستاذ وائل إحسان لأنهم تاريخ كبير، سعد متعاون جداً وبيحب الممثل اللي قدامه يطلع في أحسن صورة، وأستاذ وائل إحسان مخرج كبير وعمل أعمال لاند ماركس في تاريخ السينما المصرية كوميدياً، وكنت حابة أعرف لوكيشن مخرج زي ده عامل إزاي واتعرف عليه".

واختتمت حديثها بالإشارة إلى أعمالها المقبلة: “لسه شوية، الأوف سيزون الدنيا فيه مريحة بعد رمضان والعيد، والكل بيحضّر لأفلام العيد الكبير وإن شاء الله مسلسلات الأوف سيزون تخش قريب".

تفاصيل فيلم "فاميلي بيزنس"

يُعد فيلم "فاميلي بيزنس" عودة لافتة للنجم محمد سعد إلى أجواء الكوميديا التي اشتهر بها، حيث يجمع العمل بين الطابع العائلي والمواقف الساخرة في قصة تعتمد على التحولات المفاجئة والصراعات الطريفة داخل الأسرة، ما جعله واحدًا من الأعمال التي لفتت الأنظار خلال موسم عيد الفطر 2026.

كما يشارك في البطولة إلى جانب محمد سعد كل من غادة عادل في دور نجلاء، وهيدي كرم بدور ليلى، ودنيا سامي في دور ولاء، إضافة إلى سلوى محمد علي وأحمد الرافعي.