إسلام ساسو لـ”وشوشة”: أقنعت ياسر جلال يغني موال شعبي في «كلهم بيحبوا مودي»
كشف الموزع إسلام ساسو كواليس تحضير أغنية مسلسل «كلهم بيحبوا مودي» التي شارك فيها الفنان ياسر جلال خلال موسم دراما رمضان 2026، مشيرًا إلى أن التعاون جاء سريعًا وخرج في أجواء خفيفة ومليئة بالحماس.
وفي تصريح خاص لـ”وشوشة” تحدث إسلام ساسو عن بداية الفكرة قائلاً: “التعاون جه بسرعة، اشتغلنا الأغنية لمصطفى أبو سريع وياسر جلال لمسلسل كلهم بيحبوا مودي، وكانت أغنية لايت خفيفة، وياسر جلال قالي نفسي نعمل واحد اتنين تلاتة وقالّي الفكرة.”
وتابع: “قلتله بص إحنا هنعمل موال بطريقة لذيذة وبهزار وضحك، فقالي طب سمعني، عملتله شكل لتراك عجبه جدًا وقال يلا بينا نسجل.”
وأضاف: “لما جه الاستوديو قالّي مش عارف أغني الموال ده إزاي، فقلتله انسى إنك في استوديو واعتبرنا قاعدين بنتبسط وبندندن، وأول ما جرب قال حلو جدًا، وده كان اللي إحنا عايزينه.”
واختتم حديثه قائلاً: “كان فاكر الموضوع هيبقى صعب ومتعب لكنه عمله ببساطة، ودمه زي العسل وكمّلنا الأغنية كلها في أجواء لطيفة.
تفاصيل مسلسل كلهم بيحبوا مودي
ويعد مسلسل كلهم بيحبوا مودي، مكون من 15 حلقة، ويشارك في بطولته كل من، ياسر جلال، أيتن عامر، ميرفت أمين، مصطفى أبو سريع، هدى الأتربي، جوري بكر، ريهام الشنواني، يمنى طولان، جودي مسعود، سلوى عثمان، إيمان يوسف، ومحسن منصور، وأيمن عزب، إضافة إلى إيرينا يسري ملكة جمال مصر 2025، والعمل تأليف أيمن سلامة وإخراج أحمد شفيق.
