بسنت النبراوي لـ"وشوشة": شم النسيم مفيش له طقوس ثابتة وبكره الفسيخ

في أجواء احتفالات شم النسيم، كشفت الفنانة بسنت النبراوي عن طبيعة طقوسها في هذا اليوم، مؤكدة أنها لا تمتلك عادات ثابتة للاحتفال به، وأن الأمر بالنسبة لها يختلف من عام لآخر حسب ظروفها بين السفر والإقامة داخل مصر.

وتحدثت بسنت النبراوي في تصريح خاص لـ"وشوشة"، قائلة إن شم النسيم بالنسبة لها لا يرتبط بروتين معين أو أكلات إجبارية، موضحة: "والله شم النسيم مفيش عندي فيه عادات خاصة أوي، يعني مفيش حاجة لازم أعملها على طول، لأني يا مسافرة يا قاعدة، فمش بثبت على حاجة واحدة".

وأضافت بسنت النبراوي أنها لا تفضل تناول الفسيخ إطلاقًا بسبب رائحته القوية، قائلة: "مش بطيق ريحة الفسيخ، ريحته صعبة جدًا، حتى جربت أكله مرة وكان صعب جدًا" بينما ترى أن الرنجة يمكن تناولها لكن بدون التزام بها في هذا اليوم تحديدًا: "الرنجة آه ممكن أكلها، بس مش شرط في يومها، عادي ممكن أي أكلة تانية".

وتطرقت بسنت النبراوي إلى مشاهد الاحتفال في الحدائق والمتنزهات، مستعيدة أجواء فيلم "خلي بالك من زوزو" وجملة "الدنيا ربيع والجو بديع"، لكنها انتقدت بعض السلوكيات السلبية، موضحة أنها لا ترى أي مشكلة في الخروج والتنزه، لكن المشكلة في ترك المكان غير نظيف بعد الانتهاء.

قائلة: "مش شايفة في عادات غريبة، بس في حاجة مش لطيفة إن الناس بتنزل الجناين تاكل وتسيب المكان مش نضيف.. بواقي الأكل، الفسيخ والرنجة، والمنديل والأكياس، وبيمشيوا ويسيبوا المكان متبهدل".

بسنت النبراوي تكشف عن علاقتها بالدايت

واختتمت بسنت النبراوي حديثها بالكشف عن علاقتها بالدايت خلال الأعياد، مؤكدة أنها لا تلتزم به بشكل صارم، قائلة: "أنا كل يوم بكسر الدايت تقريبًا، بنوي ألتزم وبعدين برجع في كلامي، يعني ممكن أقعد أسبوع وبعدين أرجع أكسر كل حاجة، خصوصًا في العيد باكل كحك وحاجات كتير وببقى مبسوطة".