هدى الإتربي لـ"وشوشة": "مش ممكن أتنازل عن العمل مع مخرج وشركة إنتاج قوية"
كشفت الفنانة هدى الإتربي عن المعايير التي تعتمد عليها في اختيار أدوارها الفنية، مؤكدة أنها تحرص دائمًا على المشاركة في أعمال تتوفر فيها عناصر قوية تساعد على نجاح العمل ووصوله للجمهور بالشكل الذي يليق به.
وقالت هدى الإتربي في تصريح خاص لـ"وشوشة" إنها قد توافق في بعض الأحيان على تقديم تنازلات بسيطة، لكن ليس في الأساسيات التي تضمن جودة العمل، موضحة: “في حاجات ممكن أوافق بيها وحاجات لا، لكن فكرة إني أشتغل مع مخرج مهم وشركة إنتاج قوية ومع نجوم كبار دي حاجة صعب أتنازل عنها”.
وأضافت أن وجود هذه العناصر يمنح الفنان ثقة أكبر في العمل، قائلة: “لما يبقى فيه مخرج شاطر وشركة إنتاج عندها رؤية وفريق عمل قوي، ده بيدي طاقة مختلفة لكل الناس اللي شغالة في المسلسل أو الفيلم، وبيخلي كل واحد يطلع أحسن ما عنده”.
وتابعت: “اللي يهمني دلوقتي إني أكون موجودة بدور مهم في الدراما، والعمل يتشاف ويحقق صدى عند الجمهور، لأن التوفيق في الآخر من عند ربنا، لكن لازم يبقى في عوامل تساعد على نجاح العمل”.
واختتمت حديثها مؤكدة أن العمل في بيئة فنية قوية ينعكس بشكل مباشر على النتيجة النهائية، قائلة: “لأن ببساطة لما يبقى مفيش مخرج كويس أو شركة إنتاج قوية أو ممثلين شاطرين، ساعتها الفنان بيبقى كأنه بينحت في الصخر، وبيبقى صعب جدًا إن العمل يحقق النجاح اللي كلنا بنتمناه”.
