فيدرا تكشف سبب قرارها الصادم: لن أرتدي الفرو مرة أخرى

كشفت الفنانة فيدرا عن السبب الرئيسي وراء رفضها الظهور بملابس من الفرو الطبيعي أو الصناعي مرة أخرى.

وأوضحت فيدرا، خلال استضافتها في برنامج "بين السطور" المذاع عبر شاشة تن، أن هذا القرار يعود إلى إحدى المرات التي ظهرت فيها في برنامج مع الإعلامي أحمد سالم، حيث كان الحديث خلال الحلقة يدور حول الرفق بالحيوان، بينما كانت ترتدي جاكيت من الفرو الصناعي وليس الطبيعي.
 

وأضافت: «الناس هاجمتني وقتها بشدة، واعتبرت ده قرارًا غلط مني، لأن كان المفروض أعرف إن مش كل الناس هتستوعب إن ده فرو صناعي، أنا لبسته عشان أوضح إن في حاجة ممكن تبقى شكلها حلو جدًا لكنها مش حقيقية، علشان منأذيش الحيوانات».

وتابعت: «عايزة أوصل رسالة مهمة للبنات: الجلد الطبيعي أو الفرو الطبيعي اللي بتحبوه شكله حلو، لكن علشان يتعمل لازم يسلخ الحيوان وهو حي، ودي مسؤولية كبيرة».