لينا صوفيا تكشف كواليس تحدي كره والدتها في "وننسى اللي كان"

كشفت الفنانة الشابة لينا صوفيا كواليس تقديمها لشخصية يارا في مسلسل “وننسى اللي كان”، المشارك في سباق رمضان لهذا العام، مؤكدة أن هذا الدور يعد الأصعب في مشوارها الفني حتى الآن.

صعوبة الدور 

وقالت لينا صوفيا، خلال استضافتها في برنامج “نجوم رمضان أقربلك” مع الإعلامية إنجي علي، عبر إذاعة “نجوم إف إم”، إن الشخصية شكلت لها تحديًا كبيرًا، موضحة: “شايفة إن الدور ده صعب جدًا، لأني عادة أول ما بقرأ أي شخصية بفتكر حد شوفته قبل كده أو مواقف شبهها عشتها”.
 

وأضافت: “وصلت لمرحلة إني فعلاً ملقيتش حد حواليا بيعاني من المشكلة دي، مفيش حد قريب مني علاقته بوالدته سيئة، بالعكس كل اللي أعرفهم علاقتهم بأمهاتهم كويسة جدًا، حتى أنا علاقتي بمامتي كويسة”.

وأشارت إلى أن صعوبة الدور جاءت من تجسيد فتاة تحمل مشاعر كراهية تجاه والدتها، قائلة: “مكنتش عارفة أتخيل إزاي أقدم بنت بتكره أمها وبتتعامل معاها إزاي، وده خلاني متوترة جدًا من التجربة، لكن الحمد لله قدرت أطلع الدور بالشكل اللي كنت بتمنى أقدمه”.