هشام عباس: "عمري ما كنت جد أبدا حتى في جواز بنتي"
قال الفنان هشام عباس: "أنا مش جد خالص عمري ما كنت جد أبدا حتى في جواز بنتي".
وأوضح عباس، خلال مداخلة هاتفية له في برنامج “ضيفي” مع الإعلامي الكبير معتز الدمرداش، المذاع عبر شاشة “الشرق” أنه ينادي زوج ابنته باسم “مو”.
وأضاف: "هو بيقولي اتش وأنا بقوله مو وإحنا صحاب جدا، وأنا وبنتي كمان صحاب، كنت طول الوقت بتكلم معاها وبقولها البوي فريند مختلف إيه عن الصديق العادي يعني هتحضنيه؟ مهو حرام، أكيد مش هيحصل كده أو هتحبيه؟ خلاص أي حد تحسي إنك هتحبيه هاتيه يقعد معانا ونعرفه وهيكون ابني التاني".
وأردف: "الجيل ده والعلاقات فيه مختلفة تماما وأنا عارفه من زمان جدا، لكني عيطت على بنتي".
وفي وقت سابق، استقبل الفنان هشام عباس الاحتفال برأس السنة بطريقته الخاصة، حيث يحرص على مشاركة جمهوره أجواء الاحتفال والعمل معًا، متمنيًا أن يحمل العام الجديد الخير والنجاحات للجميع.
وتحدث هشام عباس في تصريح سابق لـ"وشوشة" عن خطته لقضاء ليلة رأس السنة، قائلًا: "رأس السنة في إسكندرية حفلة إن شاء الله في المنتزه، كل سنة وأنتم طيبين وبخير ربنا يدّيكم السعادة وللصحة وراحة البال وتبقى سنة جميلة فيها أعمال حلوة وإنجازات ونجاحات وخير كتير إن شاء الله".
وتابع هشام عباس عن أمنياته في السنة الجديدة قائلا: "أمنياتي الصحة والعافية ليا ولأسرتي ولكل حبايبي أنزل ألبوم فيه أغاني حلوة وتعجب الناس وربنا يكرمني وأبقى دايما عند حسن ظن كل اللي بيحبوني".