عبلة سلامة تدافع عن هند صبري وترفض الهجوم عليها بسبب جنسيتها

دافعت الإعلامية عبلة سلامة، بقوة عن الفنانة هند صبري، بعد موجة من الجدل والانتقادات التي طالتها مؤخرا على خلفية أصولها التونسية، معتبرة أن التشكيك في انتمائها أو استخدام عبارة "دي مش مصرية" كسلاح في الهجوم عليها أمر مهين ولا يعبر عن طبيعة المجتمع المصري ولا تاريخه الفني.

عبلة سلامة: مصر عمرها ما كانت سؤال جنسية

وأشارت عبلة سلامة، في منشور عبر حسابها على "فيسبوك" قالت فيه:"أنا بجد مستغربة.. مستغربة من إمتى بقينا بنستخدم جملة دي مش مصرية كأنها تهمة؟ مصر عمرها ما كانت كده، مصر كانت دايما بيت وحضن، مش سؤال جنسية؟"..

وأضافت:"الفن في مصر شارك فيه ناس جاية من كل مكان في الوطن العربي، عاشوا هنا، اشتغلوا هنا، حبوا البلد دي بجد، ومحدش في يوم قال لهم ارجع بلدك انت مش مصري".

عبلة سلامة: اللي بيحصل مع هند صبري حملة ممنهجة

وعن الهجوم على هند صبري، أكدت عبلة سلامة قائلة:"اللي بيحصل مع هند صبري حملة ممنهجة مش مفهومة، هند عمرها ما قالت كلمة واحدة فيها إساءة لمصر أو لشعبها".

وتابعت:"في أحيان كتير بحس إنها بتحب مصر أكتر مننا، في قلب هند مصر وتونس واحد، والأغرب إن الناس اللي في الشارع مش كده خالص".

وأشارت عبلة سلامة، إلى خطورة اختزال أي خلاف في أصل الفنان، قائلة:"اختيار إنك في الآخر تقول هي تونسية وكأنها آخر كارت في الجدال، ده اختيار غريب قوي وسخيف ومهين، إحنا من إمتى بنعمل كده؟".

وأكدت عبلة سلامة، ارتباط هند صبري الكامل بمصر، قائلة:"هند عاشت في مصر، اشتغلت في مصر، نجحت في مصر، بيتها هنا، حياتها هنا، وبناتها مصريين وجوزها مصري".

وتابعت عبلة سلامة قائلة: “وفي نفس الوقت طبيعي جدا، ومش عيب، إنها تفتخر بتونس وانتماؤها الأول، الحب مش قسمة، والانتماء مش خصم”.

واختتمت عبلة سلامة، منشورها بتحذير واضح قائلة:"اللي بيحصل ده مش مصر اللي نعرفها، ولا دي أخلاقها، ومش دي روحها، كفاية تكسير في قوتنا الناعمة، قبل ما نبقى عاملين زي القطيع من غير ما نفهم ولا نحقق، اللي بيقول عنده فيديوهات لهند فيها إساءة، ياريت يبعتها لي وشكرا".