عصام عمر: "مش فاهم فكرة وجود عرض خاص لمسلسل"

تحدث النجم الشاب عصام عمر، عن كواليس التحضير لمسلسل “بطل العالم”.

وأضاف عمر، خلال تصريحاته لبرنامج “إي تي بالعربي” أنه كان يتمنى أن يكون لديه وقت أطول لاستغلاله في التدريب، مشيرًا إلى أنه تدرب كملاكم لمدة شهر ونصف فقط، مما أضفى على العمل نوع من عدم الدقة.

لا يوجد أخطاء

وقال: “الحمد لله مكانش في أخطاء، بس لو كان في حاجات مش مظبوطة لأن أنا مش ملاكم”.

وأعرب عن سعادته بنسب مشاهدة هذا العمل، قائلًا: “أنا مبسوط جدًا أن العمل اتشاف بالطريقه دي، أنا إللي يهمني إن العمل يتشاف بغض النظر عن الرأي فيه”.

فكرة تطوير مراكز الشباب 

كما كشف عصام عمر عن سبب رفضه لإقامة عرض خاص للمسلسل، قائلًا: “أنا رفضت إن أنا أعمل عرض خاص لمسلسل حسيت إن الموضوع يعني أنا مش فاهمه، ولا عارف سببه، يعني الفيلم أكيد لازم يبقى له عرض خاص إنما مسلسل لا مش لازم، وبعدين جات لي فكرة أنا والمنتج طارق نصر هو صديقي أصلا إن إحنا نعمل حاجة لها علاقة بالملاكمة، فهو قال لي نعمل أكاديمية، أنا قلت له لا إحنا ممكن نشوف مركز شباب نطور في حاجات لأن أعتقد الحاجات الخاصة خلت الرياضة بفلوس كثير مش كل الناس تقدر تعملها، لكن مراكز الشباب إللي إحنا اتربينا عليها هي دي اللي محتاجة تطور”.