ياسمين عز توجه رسالة للزوجات بسبب الطقس.. فماذا قالت؟

قالت الإعلامية ياسمين عز خلال تقديمها برنامج كلام الناس المذاع عبر قناة MBC مصر، إن الطقس شديد البرودة يستدعي اهتمامًا خاصًا من الزوجات بأزواجهن.

الجو برد زمهرير

وأضافت ياسمين عز:الجو برد زمهرير، ومسمعش واحدة ست تقول لجوزها قوم استحمى، يستحمى إيه مدام في الجو ده، انتي استحمي مكانه، أمال انتي لزمتك إيه.

ممنوع غسل الكوباية

وتابعت:متسبوهوش يغسل كوباية، اغسليها انتي وامسكيها هو في إيده لحد ما تنشف.

احتقان الزور مش مهم

واستكملت حديثها قائلة:جالك احتقان في الزور مش مهم يا مدام، انتي مش أم كلثوم، المهم جوزك يفضل دفيان،وأوضحت ياسمين عز:الست بنت الأصول تنام لابسة شراب، عشان لو رجلها خبطت في رجل جوزها متلسعهوش.

الدفا قبل الفلوس

وأكدت:اللي جوزها دفيان أحسن من اللي جوزها معاه فلوس.

اللحاف والشباك

واختتمت حديثها قائلة:متاخديش اللحاف كله لوحدك وجوزك يموت من البرد، ولو الشباك مفتوح وجايب هوا قومي خديه كله انتي وقفلي الشباك.

وفي وقت سابق، علقت الإعلامية ياسمين عز على واقعة مقتل الفنانة السورية هدى شعراوي، الشهيرة بدور أم زكي في مسلسل باب الحارة، والتي أثارت صدمة وحزنًا واسعًا في الأوساط الفنية والجماهيرية.

تفاصيل الواقعة والتحريات الأولية

وقالت ياسمين عز، خلال تقديمها برنامجها «كلام الناس» المذاع عبر قناة MBC مصر، إن التحريات الأولية في الواقعة تشير إلى تورط الخادمة في قتل الفنانة باستخدام أداة حادة، في حادثة مأساوية هزّت الشارع السوري.

تعزية لأسرة الفنانة الراحلة

وحرصت على تقديم واجب العزاء، قائلة إن الفنانة الراحلة كانت شخصية فنية كبيرة ومؤثرة، وتركت بصمة واضحة في الدراما العربية، خاصة من خلال دورها الشهير في باب الحارة.

رسالة تحذير من الثقة المطلقة

ووجهت ياسمين عز رسالة تحذير للجمهور، قائلة:«بلاش الثقة المطلقة في أي حد، ومترميش بإيدك للتهلكة»، مؤكدة أن طول العِشرة لا يعني بالضرورة الأمان الكامل.

 مش أي حد يدخل بيتنا 

وأضافت: «ساعات بنسمع حد يقول عندي واحدة بتساعدني بقالها 20 سنة، بس ممكن يكون في حاجات مستخبية»، مشددة على ضرورة الحذر وعدم فتح البيوت لأي شخص دون وعي.