دينا الشربيني تحذر الزوجات: كلمة "طلقني" أخطر مما تتخيلن

تحديث النجمة دينا الشربيني عن خطورة كلمة "طلقني" التي تطلبها الزوجة من زوجها أثناء الخلافات، حيث نصحت جميع السيدات بالتفكير العميق قبل اتخاذ أي قرار مصيري قد يندمن عليه لاحقًا.

وخلال السطور التالية، يرصد لكم موقع وشوشة أبرز تصريحاتها لبرنامج "الإبداع في مصر" المذاع عبر شاشة إكسترا نيوز، وذلك خلال العرض الخاص للفيلم.

"طلقني" رسالة خاصة من الفيلم للجمهور

قالت النجمة دينا الشربيني:"أكتر كلمة بتتقال هي طلقني، وده غلط جدًا، لأن مهم إن الناس تسمع بعض، وتكون متفاهمة، وتدي فرصة لبعض إنهم يتكلموا. 
وأنا بشوف إن أي كلمة تتقال بتسرع مش بشوف إنها صح".

وأضافت قائلة:"أكيد في مواقف تانية بيكون طرف فيها معاه حق، لكن بتكلم في العموم إن الكلمة دي على لسان ستات كتير، وده غلط".

تفاصيل دور جميلة في فيلم طلقني

وفي سياق حديثها، تطرقت النجمة دينا الشربيني للكشف عن تفاصيل دورها في أحداث فيلم "طلقني"، وقالت:"أنا في الفيلم ده طالعة بشخصية اسمها جميلة، وهي شخصية طول الوقت بتردد كلمة طلقني، ولما جوزها فعلاً أخد الفعل ده وطلقها، هي كانت منهارة وندمانة".
وتابعت قائلة:"التصوير أخد وقت، لكن ما فيش أي حاجة كانت مش لطيفة، لا، الفيلم جميل".

دنيا الشربيني تشارك في السباق الرمضاني بمسلسل اتنين غيرنا

واختتمت الفنانة دينا الشربيني حديثها بالإشارة إلى الأعمال التي ما زالت تحت التحضير، وقالت:"أنا عندي إن شاء الله في رمضان مسلسل اتنين غيرنا مع النجم آسر ياسين، وده أول تعاون بينا، وأنا بجد مبسوطة جدًا، وبتمنى إنه يعجب الجمهور".