مي كساب تكشف لـ"وشوشة" لأول مرة أسرار فيلم “مؤلف ومخرج وحرامي”
كشفت الفنانة مي كساب عن دورها الجديد في فيلم “مؤلف ومخرج وحرامي”، كاشفة عن كواليس العمل مع فريق الفيلم وتجربتها في تقديم شخصية الكوافيرة الجدعة. وأكدت مي أنها كانت متحمسة جدًا للدور، مشيرة إلى اجتهادها لتقديم شخصية مختلفة ومميزة تجمع بين الكوميديا والدراما الاجتماعية معربة عن أملها في أن ينال الدور إعجاب الجمهور
تحدثت الفنانة مي كساب في تصريح خاص لـ" وشوشة" عن مشاركتها في فيلم “مؤلف ومخرج وحرامي” مؤكدة على متعة العمل مع فريق الفيلم، فقالت: “فريق العمل لان مش اول مره نشتغل مع بعض احمد فتحي طول الوقت بنشتغل مع بعض ببسط اووي في الشغل معاه والمخرج أسامه عمر”.
وعن الشخصية التي تقدمها في الفيلم أكدت الفنانة مي كساب أنها كانت متحمسة جدًا للدور، مشيرة إلى خصوصيته مقارنة بأدوارها السابقة: “كنت متحمسه جدا لدور عشان هعمل دور للكوافيره دا ويارب يعجب الناس أنا اجتهدت في الدور وان شاءالله يعجب الجمهور هى بنت كوافيره جدعه جدا مؤمنه جدا بموهبه جوزها بتحاول تقف جنبه علي قد فهمها وتعلمها وعاقلها وبتحاول تبقي في ضهره طول الوقت وتشيله لما ميكنش مش معاه فلوس زاي اي زوجه مصريه أصيله”.
وأشارت الفنانة مي كساب إلى أن الفيلم يمزج بين الكوميديا والواقع الاجتماعي، موضحة كيف تعاملت مع هذا التوازن أثناء التمثيل:“الفيلم كوميدي اجتماعي دا بنسبالي سهل بعمله طول الوقت ببقي حابه اللون دا من المسلسل يبقي او الفيلم يبقي اجتماعي وفي شويه كوميديا او من الشخصيه اللي بقدمها”.
كما كشفت عن أجواء كواليس التعاون مع فريق العمل، خاصة في المشاهد الجماعية، قائلة:“كل الكاست كان حلو اووي ومدام ميمي جمال بحبها اوي فنانة كبيره ونورتنا وكبرتنا مشاهد معاها كانت فظيعه واستاذ سامي مغاوري طبعا وكل الفريق هايل وان شاءالله تتبسطو من الفيلم”.
وعن استعدادها وتجهيزها لشخصية الكوافيرة التي تقدمها في الفيلم، قالت مي:“ذاكرت كويس الشخصيه وشوفت الكوافيرات بيعملو ايه وذاكرت شويه تفاصيل كويس اووي بتمسك الأدوات اللي بتستخدمها كتير وذاكرت كتير اووي وفضلت اسال البنات اللي في الكوفيرات”.