كاملة أبو ذكري: جيل الألفينات اتربى على احترام الفن
كشفت الفنانة كاملة أبو ذكري عن أسلوب جيل الألفينات في التعامل مع المخرجين، وذلك خلال استضافتها في برنامج "ضيفي" مع الإعلامي معتز الدمرداش.
وخلال السطور التالية ينقل لكم موقع وشوشة أبرز تصريحاته خلال هذه الإستضافة
جيل تربى على أيدي أساتذة كبار
قالت الفنانة كاملة أبو ذكري:"جيلي أنا اللي ظهر في الألفينات؛ علشان اتعلم على إيد أساتذة كبار، فطالع جيل عنده نفس الأسس بتاعتهم ومحترم."
قائمة الجيل الذي تخرج من مدرسة الكبار
وأضافت:"إحنا جيل لما ظهر، ظهر على إيد أساتذة مخرجين وفنانين كبار ومحترمين جدًا، علشان كده طالعين شاربين ده وبقينا بنتعامل بنفس الأسلوب. يعني أنا، ومنة شلبي، ومنى زكي، ونيللي كريم، وكريم عبد العزيز، وأحمد عز، وخالد النبوي، وحنان ترك."
تأكيدها على خصوصية هذا الجيل
واختتمت حديثها قائلة:"هو ده الجيل اللي إحنا طلعنا مع بعض وظهرنا مع بعض… وتجيب اللي اتربى على إيد فنانين كبار محترمين، طبيعي يطلع زيهم."
وكانت المخرجة الكبيرة كاملة أبو ذكري قد كشفت عن حبها الشديد للعمل كمساعد مخرج، أكثر بكثير من حبها للسفر مع أصدقائها أو مع عائلتها.
ذكريات كاملة أبو ذكري مع عادل إمام
قالت المخرجة الكبيرة كاملة أبو ذكري:"أنا كل يوم كنت بشوف عادل إمام، وأقول له: يا أستاذ عادل غير مكانك.. أو السيجارة ما كانتش كده في إيدك الشمال دي كانت في إيدك اليمين، أو حضرتك ما كنتش قاعد كده… وعادل إمام نجم كبير، وبرغم من كده كان بيسمع كلام مساعد المخرج؛ لأنه فنان حقيقي وبيقدر الفن."
ومع أحمد زكي… رؤية مختلفة ولكن احترام كبير
وأضافت:"كمان كنت كل يوم بشوف أحمد زكي… أحمد زكي مش طول الوقت كان بيسمع كلام مساعد المخرج، لأنه عنده وجهة نظر تانية، لكن فكرة إني أبقى بشوف أحمد زكي وعادل إمام دي بالنسبة لي كانت أهم حاجة… أهم بقى من الخروج والفسح والكلام ده."
وفي سياق متصل، أعربت المخرجة الكبيرة كاملة أبو ذكري عن اختيارها للعمل، ورؤية الفنان عادل إمام والفنان أحمد زكي، مؤكدة أن هذا الشيء بالنسبة لها أهم بكثير من السفر مع أصدقائها أو عائلتها.
وقالت:"أنا بالنسبة لي على أيامي كانت العجمي… إني أروح العجمي وأنزل البحر وأتفسح وأخرج… كان بالنسبة لي كل ده ملهوش أي لازمة قصاد إني أشوف كل يوم النجم عادل إمام والنجم أحمد زكي… مش عايزة أروح العجمي، مش مهم بالنسبة لي… المهم إني أشوفهم."
وكانت قد كشفت المخرجة كاملة أبو ذكري أن هناك تغييرًا جذريًا حدث في مهنة الإخراج، وقالت:"دي كانت مهنة وبعدين بقت مهنة تانية… يعني مثلًا أنا كنت بشتغل دكتورة بقيت بشتغل… فتحت محل كباب."