أحمد فهمي يكشف علاقة كريم فهمي وزوجته بانفصاله عن هنا الزاهد

علق الفنان أحمد فهمي على الشائعات التي ترددت فور إعلان طلاقه من النجمة هنا الزاهد، والتي زعمت أن هذا الطلاق كان وراءه خلافات مع شقيقه النجم كريم فهمي وزوجته دانيا البنهاوي.

وخلال السطور التالية ينقل لكم موقع وشوشة أبرز تصريحاته خلال استضافته في برنامج "mirror" مع الإعلامي خالد فرج، والمذاع عبر موقع التواصل الاجتماعي يوتيوب.

"الكلام ده مضايقني جدًا"... فهمي يرد بحسم

قال الفنان أحمد فهمي:"الموضوع ده والكلام ده مضايقني جدًا، لكن أنا هرد بصراحة وهقول الإجابة علشان ما أتكلمش في الموضوع ده تاني… كريم ودانيا وأمي وأبويا مالهمش دخل في أي حاجة في قراراتي ولا من قريب ولا من بعيد."

"ولا ليهم أي دخل بقراراتي"... توضيح يشمل كل التجارب السابقة

وأضاف:"أنا هنا كلامي مش قصدي بس على آخر تجربة ليا… لأ، هم في العموم مالهمش أي دخل في قراراتي، وممكن تسأل أول جوازة لي… ممكن تسأل منة برضه… كلهم على اتصال بوالدي ووالدتي لحد النهارده.
إشمعنى المرة دي حصل هيصة؟، لكن والله والله العظيم… أنا بحلف تاني… كريم ودانيا وأمي ماكانوش عايزين إني أطلق."

"لو هي زعلت منك… أنا اللي هزعلك"

وأوضح قائلًا: "المرة دي… أول ما خطبت، مش أول ما اتجوزت، كريم أخويا قال لي لو هي زعلت منك أنا اللي هزعلك، وقال لي كده بيني وبينه… يعني حتى مش قدامها علشان مايبقاش الشكل عريس جديد وهو بينصحه.".

فترات انفصال قصيرة بحثًا عن حلول

واستكمل قائلًا: “حصل بريك أكتر من مرة علشان نحاول نلاقي حلول وسط لاختلافات وجهات النظر، لحد آخر مرة… هي كانت بتصور عمل وقالت لي إنها مش هتقدر تبعد… يعني بره البيت، فرجعت بيت مامتها علشان تفكر، هي عايزة تفضل مركزة في البيت… فأنا بعدت بره البيت لمدة 8 شهور”.
 

وأردف: وأنا مش بقول إن حاجة زي دي كانت ضدي… بالعكس… أنا كنت عايز أريحها وأخليها هي تبقى مرتاحة، وبشوف إن حاجة زي دي ما اتشالتليش… يعني حتى فكرة إن إحنا دلوقتي بنتكلم في التلفزيون دي مش حاجة صح، وأنا بعتذر لها لو كنت ضايقتها أو أحرجتها لما جاوبت على سؤال رامز عن مين اللي طلب الطلاق، وقلت له أنا… والله."

حديث ما قبل الحلقات

واختتم الفنان أحمد فهمي حديثه قائلًا:" على فكرة… أنا وهنا اتكلمنا قبل الحلقة اللي هي اتكلمت فيها عن الموضوع ده بأسبوعين، والكلام كان من طرفها هي، وهي اللي قالت لي إحنا ليه ما نبقاش صحاب؟… إحنا أنضج وأكبر من كده، وأنا… أقسم بالله العظيم… اتفاجئت من الحلقة، وأنا ماكنتش عايز كل ده يحصل… وأنا فعلًا ماعملتش أي حاجة.
 

وأشار: وحتى لو في طرف ثالث اتدخل ووصل لها كلام مش حقيقي… برضه الإنسان بيكون مسؤول عن اللي بيقوله، يعني أنا ماينفعش ألقح كلام على حد… ولما يقولولي إنت قلت كده، أقول معلش… أصل في حد ثالث وصل لي كلام عنه."

واختتم: "مافكرتش أكلمها بعد الموضوع ده… وخلاص، هو موضوع عدّى، أنا مش بكذبها… ومش بصدق على كلامها… بس أنا أول مرة في حياتي أتعرض لموقف زي ده."