ميادة الحناوي لـ"وشوشة": اللعب بصوتي زيف إلكتروني والحفل من سنوات

خلال الساعات الماضية تداول رواد مواقع التواصل الاجتماعي مقطعًا منسوبًا للفنانة القديرة ميادة الحناوي قيل إنه من حفل غنائي أحيته مؤخرًا، وظهرت فيه بنبرة صوت مختلفة، الأمر الذي فتح بابًا واسعًا للانتقادات والتعليقات وانتشر المقطع على نطاق واسع، وسط مزاعم بأنه حفل جديد للفنانة، قبل أن تتصدر ميادة الحناوي حديث السوشيال ميديا بين مؤيد ومهاجم.

وفي تصريح لـ”وشوشة” خرجت الفنانة ميادة الحناوي عن صمتها، وردت بحزم على الجدل الدائر، مؤكدة أن ما يتم تداوله ليس حفلًا جديدًا إطلاقًا، بل مقطع قديم تم التلاعب به، نافية تمامًا كل ما قيل عن استخدام الذكاء الاصطناعي أو تغير صوتها.

لا يفوتك

بذكرى المولد النبوي الشريف.. ميادة الحنّاوي توجه رسالة للأمة الإسلامية عبر "وشوشة"

ربنا يجعل أيامكم كلها محبة وسعادة.. رامي صبري يشارك فرحة أروى جودة

ميادة الحناوي: الحفلة من 2021 ولعبوا بصوتي

وقالت ميادة الحناوي: "الحفلة اللي منزلينها قديمة من سنة 2021 وكانت في دبي في شهر نوفمبر وقت الكورونا وكان في تباعد، وعلشان الصورة غير اللي كانت في دبي الناس اتلخبطت وقتها كان عندي عمل تاني وكنت خلصانة بعد الحفلة الحقيقة هم لعبين في صوتي، ودا ذباب إلكتروني ما بيهمني ولا على بالي، المهم النجاح الحفلة الأصلية كانت رائعة جدًا".

وتابعت ميادة الحناوي باستنكار: "يعني تفاعل الجمهور كله ذكاء اصطناعي؟ إزاي؟ بعد النجاح الكبير اللي حصل؟، الناس حتى اللي ماتوا ما بيخلصوا منهم كلام وحتى العظيمة أم كلثوم اتكلموا عنها دا شيء بيخجل الحقيقة أم كلثوم واحدة من أهرامات مصر، ومع الأسف إحنا عايشين في جو فيه تلوث ولم يعد هناك وجدان ولا ضمير، زمان كانت الناس المحترمة موجودة".

وأضافت ميادة الحناوي: "حتى الآن الحمد لله بوقفتي وبصوتي على المسرح، أنا لو كنت واقفة على الذكاء الاصطناعي كنت قعدت في البيت، يضحكوا ويتمسخروا على العالم؟ أنا ما بيهمني أي كلام، أنا بعرف حالي، لذلك ما بيهمني الناس".

ميادة تكشف نصيحة محمد عبد الوهاب

واستعادت الفنانة ذكريات لها مع موسيقار الأجيال: "زمان، عبد الوهاب قال لي كلمة لن أنساها قال يا ميادة: في زمان شتموني كتير أول ما طلعت راح لأحمد شوقي لقاه يبكي قال له بتبكي ليه؟، قال له كاتبين عني أشياء قال له: حط اللي كاتبينه عنك تحت، الجرايد الصفرا اقف فوقهم أنت الأعلى مش كل الصحافة، الصحافة الصفرا فقط".

عايزين يطلعوا “تريند” على أكفان العالم

وتابعت الفنانة ميادة الحناوي بغضب واضح: "عايزين يطلعوا تريند على أكفان العالم حتى الموت ما بيخلصوا منه كلام اللي حاطط التريند دا أنا عارفاها شخصيًا".

مصر صنعت ميادة الحناوي

وأكدت تقديرها لمصر وقالت: "مصر هي اللي عملت ميادة الحناوي بالملحنين وبالشعراء وبمحبة الجمهور الرائع مصر هي أم الدنيا مفيش فنان بينجح إلا لما ييجي على مصر".

وتساءلت: "فين الذكاء الاصطناعي؟ هذا شكلي ولبسي عم يضحكوا على العالم؟.

وأردفت: "القافلة تسير والكلاب تنبح، خليهم يتكلموا زي ما هم عايزين ميادة هتفضل ميادة ويوم ما أشعر إني مش قادرة أطلع على المسرح مبطلعش النجاح وراه ناس حسودة وحقودة، وده الطبيعي بالحياة".

وأضافت: "حفلة مدتها ساعتين ونص، ذكاء اصطناعي إزاي؟، حتى هي قالت إن في ألف شخص ذكاء اصطناعي؟ واللي عملت لي قلب ذكاء اصطناعي كمان؟، رب العالمين بياخد حق كل واحد".

وواصلت حديثها: "كل الناس المؤذية في الدنيا ما بينالوا حقهم، ورب العالمين موجود هو اللي بياخد حق كل واحد بيُتريق أو بيقول كلام وحش وكذب".

ميادة: أغاني خالدة لأنها من ألحان كبار

وقالت بفخر: "ياما مريت بمطبات، ورب العالمين وقفني على رجلي عملت فن جميل أغاني موجودة لأنها خالدة مين لحنها بليغ حمدي، محمد الموجي، هؤلاء عظماء".

وتابعت: “أغنية “أنا بعشقك” لوحدها صار لها 35 سنة ولسه لحد دلوقتي لما بغنيها الدنيا بتقوم ”الحب اللي كان" حتى الأجيال الصغيرة بتحب تسمع الأغاني الخاصة بي لأن الأغاني دلوقتي ما بتفهمي معناها ولا لها طعم".

مهما يحاولوا يطفوا الشمس ما بتتطفى

واختتمت حديثها قائلة: "ويجبل ما يهزك ريح. مهما يحاولوا يطفوا الشمس، الشمس ما بتتطفى وأنا مثلها".