سمية الخشاب عن "أم 44": أشعر أنني تألقت به وقدمته من قلبي

أعربت الفنانة سمية الخشاب عن سعادتها الكبيرة بتكريمها في مهرجان التميز والإبداع عن مسلسل "أم 44".

وخلال السطور التالية ينقل لكم موقع “وشوشة” أبرز تصريحاتها لبرنامج “وان تيك”.

قالت الفنانة سمية الخشاب: “أنا سعيدة جدًا بالتكريم في مهرجان التميز والإبداع، خصوصًا إن هو عن مسلسل ”أم 44"
المسلسل ده أنا بحبه قوي، وحسيت إن أنا تألقت فيه جدًا، هو مسلسل كوميدي وفعلا كنت بشتغل فيه من قلبي وبعمل المشاهد من قلبي".

إشادة بالمؤلفة هبة مشاري حمادة وفريق عمل مسلسل “أم 44”

وأضافت: "المسلسل كتابته كانت حلوة قوي الأستاذة هبة مشاري حمادة، كتبته حلو جدًا، وهي مؤلفة وكاتبة مبدعة، وعملت شغل حلو قوي في المسلسل ده، وكمان المخرج كان الشغل معاه ممتع جدًا، وكل فريق العمل كانوا مبدعين وموهوبين، والشغل معاهم كان فعلاً جميل، وأنا كنت سعيدة بيه".

كواليس تصوير مسلسل “أم 44”

وفي سياق حديثها، تطرقت سمية الخشاب إلى كواليس تصوير مسلسل “أم 44” وقالت: "إحنا في تصوير العمل ده كنا بنقضي أحلى أوقات مع بعض، فريق العمل كله بجد كانت أجواء جميلة، كنا بناكل سوا، وبنشرب سوا، وبنهزر، ونراجع المشاهد ونشتغل، وفعلا الفترة دي أنا كنت حباها جدًا".

إشادة الجمهور الخليجي بمسلسل “أم 44”

وفي سياق متصل، أعربت الفنانة سمية الخشاب عن سعادتها بإعجاب الجمهور الخليجي بمسلسل “أم 44”.

وقالت: “كلهم كانوا فرحانين جدًا جدًا بالمسلسل، والمسلسل لحد دلوقتي بيتعاد على شاهد وبيتشاف كويس جدًا، ومحقق مشاهدات كويسة، وكان بيوصلني منهم تعليقات إنهم بيقعدوا يستنّوا مشاهدي، وكمان إنهم اتفاجئوا بطريقتي وبالشخصية اللي قدمتها في المسلسل ده، وكتير قوي اتفاجئوا إن أنا بقدر أقدم كوميدي”.

واختتمت: "جالي تعليقات من الناس بيقولولي إنت بتسعدينا وبتضحكينا جدًا، إنت بتموتينا من الضحك، فدي حاجة فرحتني جدًا".