مصطفى حدوتة: الشغل مع أحمد سعد صعب.. وأتمنى التعاون مع تامر عاشور
كشف الشاعر الغنائي مصطفى حدوتة، عن سعادته بالتعاون مع الفنان أحمد سعد في عدد كبير من الأعمال الغنائية الناجحة مؤخرا، مشيرا إلى رغبته في تحقيق العديد من التعاونات الفنية مع عدد كبير من النجوم في الوطن العربي.
وأشار مصطفى حدوتة، خلال لقائه مع "وشوشة" إلى طبيعة التعاون مع أحمد سعد، قائلا: " الشغل مع أحمد سعد مش سهل هو صعب جدا بس هو بيكون حلو بخفة دمه، وطول الوقت بيهزر، ممكن نقعد ساعات كبيرة بنشتغل لكن بيعدوا هوا، مش حاسين بيهم والشغل بيطلع حلو بيطور واحنا قاعدين".
وأضاف مصطفى حدوتة: "الشغل مع كل المطربين في العادي يكون لحن بنبني عليه، أو كلام نفس النظام، أحمد سعد غير كدا، هو ممكن فجأة بيخبط على باب الأستديو، وبنتشغل، إحنا بنبدأ من الصفر في وجوده، عشان كدا الشغل معاه أصعب شوية".
وعن رغبته في كثرة التعاونات الفنية، أعرب مصطفى حدوتة، عن التعاون مع عدد كبير من النجوم، قائلا: "ناس كتير نفسي اشتغل معاهم اللي مشتغلتش معاهم، واللي اشتغلت معاهم نفسي أكرر التجربة تاني، مشتغلتش مع تامر عاشور نفسي اشتغل معاه، ورامي صبري، وجورج وسوف، وكاظم الساهر، وفضل شاكر، وحسين الجسمي، أسماء كتير جدا".
مصطفى حدوتة: أحب الراب وأتمنى التعاون مع أي فنان في مجاله
وأضاف مصطفى حدوتة أنه من عشاق موسيقى الراب منذ زمن طويل، قائلا: “كل الفنانين اللي بيغنوا راب بيجولي من غير استثناء، وأنا بحب اللون ده من زمان جدًا وبسمع راب كتير، وبحب جدًا أشتغل فيه مع أي حد من اللي بيقدموه”.
وأكد أن هذا اللون الموسيقي له تأثير كبير على وجدانه وإبداعه، ويمنحه مساحة مختلفة للتعبير عن نفسه.
يذكر أن مصطفى حدوتة تعاون مؤخرا مع الهضبة عمرو دياب في ألبومه الجديد "ابتدينا" من خلال أغنية "قفلتي اللعبة" من ألحان محمد يحيى، كما تعاون مع الفنانة أصالة في ألبومها الأخير "ضريبة البعد" بأغنية "عندي اكتفاء" من ألحان إيهاب عبد الواحد، والذي شهد نجاحا كبيرا عبر المنصات الرقمية بتحقيق نسبة مرتفعة في حجم المشاهدات.