شاهيناز والباور العالي يطرحون “السهرة صباحي”
طرحت المطربة شاهيناز بالتعاون مع فريق الباور العالي دويتو جديد يحمل عنوان “السهرة صباحي” وتم طرحه عبر قناتها الرسمية على موقع اليوتيوب وجميع المنصات الموسيقية.
وهو من كلمات شاهيناز وتايسون، وألحان شاهيناز ومنير الجزائري، وتوزيع موزة، بينما تولى إنتاجه بلال صبري ونرمين جمال.
وإليكم كلمات الأغنية :
سهرانين الليلة
خليناها سهرة طويلة
ولا الف ليلة و ليلة
ونروق المزاج
رايقين البال ماخلاص عدينا
مزاجنا العالي واحلوت بينا
كل الناس بتبص علينا
واحنا أصحاب المكان
السهرة بحولها
برمي البيت وبغربلها
تاني من اولها
لا مش هتجيبوا اخرنا
كل الناس بتبصلنا
رايقين البال ولا يشغلنا
عالمبدأ ظابطين حالنا
صحاب المجال جم هلا هلا
منتعكننش نعكنن
بس متتعشمش
وطي الحس عشان بنسوق بهدوئ
طب بص
بديكوا كلاكس
بندخل دخله بناخد الوش
خطفنا الانظار خد معلش
هتولع هنا لو جيت تنشنت
السهرة صباحي
هنا السهرة صباحي
السهرة صباحي
هنا السهرة صباحي
انت ياللي العين عليك
لو بعمر أنا اشتريك
مش هخبي حاجه عليك (ده انت لوحدك دنيا)
السهرة ماتحلى الا بيك
مزيكا للصبح على الدي جي
نرقص نسهر و نغني (الفرحه تملى الدنيا)
وان تو
بعد تلاته ضرب تحت فوق
ارقص مكانك اتنطط روح
شماريخ هتولع يعلى الصوت ايدك فوق
روح روح
مش هطبطب على مجروح
مش هترجع ياللي تروح
مع السلامه والباب مفتوح روح.
أعربت المطربة شاهيناز عن سعادتها الكبيرة بالتفاعل الإيجابي الذي حصدته أغنيتها الوطنية الجديدة “إيد في إيد”، التي طرحتها مؤخرًا بمشاركة المطرب عز الأسطول.
وأكدت شاهيناز أن نجاح العمل أسعدها بشدة نظرًا لرسالة الأغنية وقربها من وجدان الجمهور.
طاقة إيجابية وحب لمصر
قالت شاهيناز: “مبسوطة جدًا بنجاح الأغنية، خصوصًا إنها أغنية وطنية بتدي طاقة إيجابية لشباب مصر، وبتعبر عن حبي الكبير لبلدي مصر، بأهلها الطيبين وتاريخها العظيم اللي مليان إنجازات في كل المجالات”.
بلد الأمان والدعم العربي
وأشارت شاهيناز إلى أن “مصر دايمًا بلد الأمان والسلام، وهتفضل كده في كل وقت، وهي مصدر استقرار للمنطقة كلها، وبتساند كل الدول العربية في كل الظروف”.
وطرحت مؤخرا الفنانة شاهيناز أغنية وطنية جديدة بعنوان "إيد في إيد"، دويتو مع المطرب عز الأسطول، عبر قناتها الرسمية على موقع “يوتيوب” وجميع المنصات الموسيقية الرقمية ومواقع التواصل الاجتماعي.
والأغنية من كلمات دكتور محمد إبراهيم رشيد، وألحان وتوزيع آدم حسين، وحققت الأغنية نسبة استماع ومشاهدة عالية بعد طرحها.
وتقول كلمات أغنية "إيد في إيد": “كل واحد منا صخرة في الهرم إحنا رمز الجود وعنوان الكرمً، وبشبابنا نفتخر بين الأمم وف رجالنا تجتمع كل القيم في السلام النيل بيجري ف دمِّنا، وف حروبنا نفدي بأرواحنا العلم روسنا مرفوعة بعزة مجددا، خطوة خطوة يعلي بنيان الوطن واسم مصر، ينكتب فوق القِمَم إيد ف إيد نبني وطننا ومجدنا والهلال ويا الصليب، يحموا الهرم إيد ف إيد نبني وطننا ومجدنا والهلال ويا الصليب يحموا الهرم، في السلام النيل بيجري ف دمِّنا وف حروبنا نفدي بأرواحنا العلم، روسنا مرفوعة بعزة مجدنا في السلام النيل بيجري ف دمِّنا، وف حروبنا نفدي بأرواحنا العلم روسنا مرفوعة بعزة مجدنا”.