هادي الباجوري: كل فيلم بعتبره "امتحان".. و"هيبتا 2" تجربة مختلفة
كشف المخرج هادي الباجوري عن ملامح من أسلوبه الفني ورؤيته الإخراجية في التعامل مع الأعمال السينمائية، مشيرًا إلى أنه يتعامل مع كل فيلم كأنه اختبار جديد يحتاج إلى تحضير دقيق، وقال إن النجاح في رأي الجمهور قد يختلف، لكن الأساس بالنسبة له هو الصدق والإيمان بما يقدمه.
هادي الباجوري: "بذاكر كويس وبدخل الامتحان.. والنتيجة عند الجمهور"
في تصريحاته لبرنامج "وان تيك"، قال الباجوري:"أي فيلم بتعامل معاه بعمل اللي عليا.. بذاكر كويس وبدخل الامتحان، وربنا بيكرم، والجمهور دايمًا ليه رأيه المختلف". وأضاف: "اللي بقدر أعمله بعمله بشكل صادق وبالطريقة اللي حاسس إنها الصح، وبحترم عقل الجمهور في أي حاجة بقدمها"، مشددًا على أن قناعته الشخصية بما يُقدمه تنعكس على تصديق الجمهور له، وأوضح أنه لا يحب العمل على شيء لا يؤمن به: "أنا بحب أكون مقتنع باللي بعمله، ولما أصدقه، الجمهور بيصدقه معايا".
عن "هيبتا 2": لا تخوف من المقارنة وتجديد كامل في الأبطال
وتحدث الباجوري عن تجربته في "هيبتا 2"، مؤكدًا أنه لم يشعر بالقلق من المقارنة مع الجزء الأول، وقال:
"مفيش تخوف.. طبيعي يكون في مقارنة، لكن المسألة كلها كانت إنت هتقدم إيه؟ فكرنا كتير لحد ما لقينا الخط اللي نقدر نشتغل منه". وأشار إلى أن الشخصيات في الجزء الثاني جاءت من رؤية المؤلف، لذلك لم يكن من المنطقي إعادة استخدام أبطال الجزء الأول: "ولا مرة فكرت إن حد من أبطال الجزء الأول ينفع يكون في الجزء الثاني.. الشخصيات كلها طالعة من دماغ شكري، وكان لازم أجدد في الأبطال".
اختيار الأبطال بثقة: مكنتش شايف حد أهم من حد
واختتم هادي الباجوري تصريحاته مؤكدًا أنه تعامل مع اختيار الأبطال بثقة كاملة، دون تمييز أو تردد، موضحًا: "أنا كنت بتعامل مع الموضوع كله إني مش شايف حد عن حد، ومكنتش قلقان إني أكلم حد ويرفض.. كنت مطمن ومفيش حد معين لازم أجيبه"، مؤكدًا أن الرهان كان على الفكرة والصدق الفني لا على الأسماء فقط.