محمد علي خير يعلق على عودة باسم يوسف: اللعبة حلوة بس كملها للآخر
علّق الإعلامي محمد علي خير على قرار عودة الإعلامي باسم يوسف للشاشة، مؤكداً أن الخطوة قد تكلّف المحطات مبالغ ضخمة تصل إلى 264 مليون جنيه سنوياً، دون أن تحقق العائد المطلوب إذا لم تُدار بالشكل الصحيح.
عودة باسم يوسف
وقال خير، في منشور عبر صفحته الرسمية على موقع "فيسبوك": "صدقني.. هتدفع كتير ومش هتاخد حاجة.. قررت ترجع باسم يوسف، يبقى خليه يرجع ملعبه وساعتها هتحقق جماهيرية لمحطاتك وكمان فلوس. هتقول لي مينفعش يرجع بسياسة برنامجه القديم، هقولك اقعد معاه واتفق على الضوابط، وباسم ذكي وهيستوعب فرق التوقيت.. ودعه ينطلق".
وأضاف: "الجمهور مش محتاج باسم يكلمه عن القضية الفلسطينية لأنه حافظها، لكن محتاج يشوفه في ملعبه اللي نجح فيه. خليني أحييك على قرارك بعودة باسم، بس العبها صح المرة دي".
واختتم خير تعليقه قائلاً: "أمامك فرصة ذكية حاول تستغلها، لكن تدفع 22 مليون جنيه لباسم شهرياً عشان يطلع فقرة في برنامج.. بقولك من دلوقتي المشاهدة مش مضمونة. بس سيبك إنت.. اللعبة حلوة، بس كملها للآخر".