بواسطة تريند الصور الجديد.. آيتن عامر تلتقي والدها الراحل!
شاركت الفنانة أيتن عامر متابعيها مجموعة من الصور لوالدها الراحل، وذلك من خلال التريند الجديد المعروف باسم “صورة ما اتصورتهاش”.
وكتبت آيتن عبر حسابها الرسمي على موقع “فيسبوك”:" وحشتنى اوى اوى اوى وحقيقي محتاجالك، الدنيا مش حلوة يا بابا ولا الناس كمان، كل مرة بتحط فى اختبار صعب أو أزمة مفيش حد بيجيى فى دماغى غيرك".
وتابعت حديثها قائلة: "اول واحد بيبقى نفسي اجرى عليه واقوله الحقنى بيبقى انت، وجودك كان هيفرق اوى اوى، يمكن عمرى ما قولت ان غيابك مسببلى ازمة كبيرة ولا قولت اللى جوايا، بس هييجى يوم وابقى قوية كفاية انى أواجه وجع قلبي و اطلع كل الكلام اللى جوايا ومقولهوش".
وأضافت قائلة: "زعلانة منك فى حاجات ومفتقداك فى حاجات اكتر بكتير ومتأكدة ان لو كنت موجود كنت هتبقى السند بس غيابك خلانى أنا السند لنفسي وللى حواليا كمان، لأن فيا منك كتير خصوصا قوتك وجدعنتك مع الكل ، بس أنا تعبت من كتر القوة وزهقت مبقتش عايزة ادخل حروب ولا عايزة مشاكل، اللى عايز يفهم حاجة يفهمها واللى عايزة ياخد فكرة ياخدها لا هبرر ولا هدافع”.
وأردفت: "بس اتطمن بنتك بميت راجل ومهما قابلت هتفضل واقفة ورأسها فى السما هتاخد استراحة محارب وعمرها ما هتبدأ حروب بس دايما هتكون مستعدة وجاهزة لاى حاجة وساعتها مش هيكون فى احتمالية للخسارة".
واختتمت حديثها قائلة: "بحبك ووحشتنى وزعلانة منك ومشبعتش منك وجوايا وجع كبير بس مش هقولك غير كلمة واحدة اتطمن بنتك قدها الترند صورة متصورتهاش دة منتشر اوى اليومين دول واول ما السوشيال ميديا تيم بعتولى الصورة لقتنى بكتب كلام كتير من قلبي وجوايا اكتر من كدة مليون مرة و عندى صور كتير اوى ناقصها وجود بابا حقيقي اسفة لو طولت عليكوا شكلى فضفضت اوى".
ومن جهة أخرى، تستعد آيتن عامر للمشاركة في موسم رمضان القادم 2026، حيث تشارك في مسلسل جديد يحمل عنوان "كلهم بيحبوا مودي".
والمسلسل من بطولة عدد من الفنانين منهم: "ياسر جلال، ميرفت أمين، ريهام الشناوي، هدى الأتربي، مصطفى أبو سريع، جودي مسعود، محسن منصور" وغيرهم، المسلسل من تأليف أيمن سلامة، ومن إخراج أحمد شفيق.
والجدير بالذكر أن آيتن عامر قدمت العديد من الأعمال الفنية الناجحة منها: "الكبير أوي 7، سكن البنات، حضرة المتهم أبي، كيد النسا، الزوجة الرابعة، الوالدة باشا، بين السريات" وغيرهم.