نهال عنبر توضح سر ابتعادها عن الفن: "مش هبوظ تاريخي"
كشفت الفنانة نهال عنبر سر ابتعادها عن التمثيل في الفترة الأخيرة، مؤكدة أن الأدوار التي عُرضت عليها مؤخرًا لم تُشبع شغفها الفني.
وقالت عنبر: "بقالي سنتين تلاتة بعمل أدوار مش عشان بحبها، لكن عشان أصحابي وزمايلي.. حسيت إن الأدوار دي مش مخلياني متشبعة".
وشددت على أن ما قدمته في مسلسلات مثل "سوق العصر" و"اللواء" و"صاحب السعادة" كان يعبر فعلاً عن إمكانياتها الفنية، أما ما يُعرض عليها حاليًا فلا يشبهها على الإطلاق.
وخلال استضافتها في برنامج "الستات" المُذاع على قناة النهار، أوضحت نهال أنها لا تشعر بالسعادة في ما يُعرض عليها من أدوار مؤخرًا، قائلة: "مش دي أدواري.. ومش هقبل أكون ضيفة شرف"، وأشارت إلى أن اتخاذ قرار التراجع أو العودة للفن مشروط بعودة الأدوار التي تُرضيها فنيًا وتُعبر عن مكانتها.
وأكدت عنبر أنها لا تسعى وراء الأدوار ولا تتواصل مع أحد من أجل العمل، موضحة: "أنا مش فاضية أزعل لو جالي دور أو مجاليش.. يومي مشغول، وأضافت: "الدور اللي بيجيلي بقرأه، لو عجبني بكمل، لو معجبنيش خلاص".
واختتمت نهال عنبر حديثها قائلة: "أنا شبعانة تمثيل.. عملت كل الأدوار اللي كنت بحلم بيها، ومش بحس إني ناقصة حاجة علشان ممثلتش من فترة، مش ممكن أبوظ تاريخي علشان أعمل دور صغير مالوش لازمة،الكلام ده مرفوض تمامً، والناس لسه لحد النهارده مبهورة بالشغل اللي قدمته".