محمد فاروق شيبا يفتح النار على محمد ناصر بعد استغلال فيديو له
شن الفنان محمد فاروق شيبا هجومًا شديدًا على الإخواني الهارب محمد ناصر، متهمًا إياه باستغلال فيديو تمثيلي قديم لإثارة الفتنة والبلبلة داخل مصر، وذلك بعد إخلاء سبيله من الجهات المختصة بعد التحقيق معه.
شيبا يكشف حقيقة الفيديو المثير للجدل
وقال محمد فاروق شيبا خلال حديثه: "البث المباشر ده فرصة إن الناس تعرفني صح فيه ناس بتدخل تعلق بكلام مش مقبول وبتحاول تصورنا بطريقة مش حقيقية، لا أنا خارج من سجن ولا بصمجية إحنا اتربينا كويس وصرفنا على نفسنا علشان نكبر ونفكر".
وأضاف: "فيه ناس قاعدين 24 ساعة على السوشيال ميديا مستنيين أي غلطة من أي حد في مصر علشان يصطادوها وينشروها ويعملوا منها مشكلة اللي حصل إن محمد ناصر وقناة ناقصين وهم فعلا ناقصين، وهو عارف كويس إن الفيديو تمثيلي، خد الفيديو وعمل عليه حلقة كاملة".
وأشار شيبا إلى أن الفيديو المتداول عمره أكثر من سنتين، موضحًا: “كان وقتها مجرد فيديو تمثيلي خفيف على ”تيك توك"، زي اللي بيعمله آلاف الشباب أنا شفت الفيديو على “تيك توك” وكان دمه خفيف قلت أعمله لكن محمد ناصر جاب الفيديو فجأة وحاول يعمل بيه بلبلة في توقيت صعب مصر فيه بتواجه تحديات من كل الاتجاهات".
الفنان يؤكد دعم مصر واستقرارها
واستكمل شيبا: "اللي بيحصل ده جزء من محاولة مستمرة لزعزعة الاستقرار في البلد والناس دي شغلتها تخلق فتنة، وده مش في مصلحة حد لازم كلنا نقف مع بعض مع جيشنا ومع بلدنا ومع الأرض اللي عمرنا ما هنتنازل عنها".
وفي ختام تصريحاته، طمأن الجمهور على وضعه القانوني قائلا: "الحمد لله، مفيش مشاكل دلوقتي واتعاملت بشكل محترم جدًا في قسم الطلبية، ومافيش أي تحقيقات حاليًا".
مسيرة محمد فاروق شيبا الفنية
يذكر أن محمد فاروق شيبا حاصل على بكالوريوس التربية الرياضية من جامعة حلوان، وبدأ مسيرته الفنية من خلال مسرح الجامعة، ثم توالت أعماله في السينما والمسرح والتليفزيون، ومن أبرز أعماله: "سجن النسا"، "ابن حلال"، "سيدنا السيد"، "رجل الأقدار"، وغيرها من الأعمال التي حازت على إعجاب الجمهور.