"الراجل بيزهق بسرعة".. أبرز تصريحات سماح أنور في برنامج "أسرار النجوم"
كشفت الفنانة سماح أنور، خلال استضافتها مع الإعلامية إنجي عبر برنامج "أسرار النجوم" المذاع عبر إذاعة نجوم إف إم، عن عدد من المواقف والتفاصيل في حياتها الفنية والشخصية، حيث تحدثت بصراحة عن شخصيتها، نظرتها للعلاقات، وأدوارها الفنية المميزة، وجاءت أبرز تصريحاتهـا كالتالي:
1. شخصية أم هاشم في مسلسل كتالوج شبهي جدًا.. وأجمل ما فيها إنها بتربي ولاد غيرها وبتديهم حب حقيقي.
2. أنا فخورة إن ولا دور من أدواري شبه التاني.. وده سر إني لسه متجددة لحد النهاردة.
3. الست اللي عايزة تحافظ على الراجل لازم تحتويه صح.. الراجل محتاج الكلمة المظبوطة مش كلام كتير.
4. معظم الرجالة بطبعهم ملولين.. والست هي مصدر الاستقرار لأنها عندها قدرة على الاحتواء.
5. محمد فراج فنان رائع ومريح جدًا في التعامل.. وأي ممثل يتمنى يشتغل معاه.
6. لو قدمت برنامج، أول ضيف هستضيفه الدكتور طلال أبو غزالة.. لأنه مرجع عظيم ورجل متواضع جدًا.
7. السوشيال ميديا كشفتلي آراء الجمهور بوضوح.. حتى النقد السلبي بعتبره صورة عني في دماغ اللي بيكتب.
8. أبويا وأمي عاشوا قصة حب فوق الـ50 سنة.. وتوفوا في نفس الأسبوع.