ريهام سعيد توجه رسالة مؤثرة لـ أنغام: "إنتِ اللي بتخلي لحياتنا أنغام"
وجّهت الإعلامية ريهام سعيد رسالة دعم مؤثرة للفنانة أنغام، قائلة: "ألف سلامة عليكِ، ويارب تكون حاجة بسيطة ونطمن عليكِ وتقومي بالسلامة".
وخلال تقديمها برنامج "صبايا الخير" عبر قناة "النهار"، عبّرت عن تقديرها الكبير لأنغام، قائلة: "سواء كانت هي صوت مصر أو لا، أنغام من الأصوات اللي مينفعش نعيش من غيرها.. وبدون مبالغة، أنغام هي اللي بتخلي يكون فيه أنغام في حياتنا.. لما تسمع صوتها، تبتسم".
وأضافت: "أنا من حوالي عشرين سنة كنت عملت تقرير هاجمت فيه أنغام بسبب حاجة شخصية كنت فاهمها غلط، وبعد ما الوقت عدى فهمت الحقيقة. وبندم إني عملت كده.. أنغام إنسانة جميلة وعاقلة، وبتعلم منها في كل لقاء تلفزيوني بتطلع فيه".
وأكدت ريهام سعيد أن أنغام في حاجة إلى الدعاء والدعم الحقيقي، قائلة: "لازم نبطل نبقى ميتين الضمير، فكرة إن ميبقاش في ضمير بقت تخوّف، وبقينا نشوف ناس يتجاب اسمهم في التريند لأي سبب".
واختتمت رسالتها بكلمات صادقة: "أنغام، قلبي معاكِ، وبنحبك، وبنقدّرك، وترجعي لنا بألف سلامة وتنوري مصر.. ياصوت مصر".