محمد فراج: بفتكر نفسي بأشكال مختلفة.. وعدم التقدير أكتر حاجة توجعني
أكد الفنان محمد فراج أنه يشعر بتأثر بالغ عندما يسترجع ماضيه، مشيرًا إلى أنه يصبح عاطفيًا في تلك اللحظات، وقال: "لما ببص للماضي، ببقى إيموشنال جدًا، لأني بفتكر أشخاص ومواقف بفتكر نفسي بأشكال مختلفة، وبحس بإحساس: يااه، كل ده حصل".
وأضاف خلال استضافته عبر قناة "سكاي نيوز عربية": "أنا شايف إن شغلي لازم يكون فيه رسالة، أومّال هيطلع على الشاشة ليه؟ حتى الكوميديا لازم يكون فيها مضمون ورسالة تتقدم، وإلا يبقى مفيش لازمة نضيع الوقت والمجهود".
وأوضح فراج أنه يؤمن بمصطلح "نجم الشباك"، لكنه يرى أن هذا اللقب لا يعني بالضرورة الجودة، حيث قال: "مش كل نجوم الشباك بيكونوا موفقين في اللي بيقدموه، وده طابع الحياة في نجوم شباك بتروحلهم وبتقتنعي باللي بيقدموه، وفي نجوم لا".
وكشف فراج عن أكثر ما يزعجه في الوسط الفني، وهو غياب التقدير، وقال: "أكتر حاجة توجعني هي عدم التقدير، نفسي كل واحد يشتغل ويتعب يأخذ حقه ومكافأته على قدر مجهوده".
وأضاف أن الصبر هو العنصر الأساسي الذي يدفعه للاستمرار في المهنة، رغم ما تحمله من ضغوط وتقلبات.
يمتاز محمد فراج بقدرته على تجسيد شخصيات معقدة بعمق شديد، ويُعرف عنه التزامه بأدواره وتحضيره الدقيق لها، كما أنه يحرص على المشاركة في أعمال ذات قيمة فنية ورسالة واضحة.