نجوم "الشاطر" يروون كواليس التصوير بين الضحك والغرق تحت الماء
في مقابلة خاصة، تحدث أبطال فيلم "الشاطر" عن كواليس التصوير وروح الفريق التي جمعتهم خلف الكاميرا، وساهمت بشكل كبير في نجاح العمل.
وقال الفنان أمير كرارة خلال حديثه في برنامج "تفاعلكم" على قناة "العربية"، إنه شعر بسعادة كبيرة بعد مشاهدة الفيلم لأول مرة، وأوضح: "قلت لمصطفى غريب بعد ما شفت الفيلم: إحنا شكلنا حلو مع بعض، ولما المنتج تامر مرسي شاف الفيلم، كلمني وقالي: واضح إنكم بتحبوا بعض في اللوكيشن، وده سبب كبير في نجاح الفيلم".
وأشار كرارة إلى أهمية الروح الإيجابية داخل موقع التصوير، قائلاً: "لما الناس تكون بتحب بعض ونفسيتها حلوة، ده بينعكس على العمل، وبيوصل للناس".
وتابع: "دي أول مرة أشتغل مع هنا الزاهد ومصطفى غريب، وانبسطت جدًا.. من أحلى التجارب اللي اشتغلتها من 28 سنة، كنت شغال وأنا مبسوط ومرتاح ومتفائل".
أما الفنان مصطفى غريب، فقال مازحًا عن كرارة: "من أحلى التجارب في حياتي.. أستاذ أمير كرارة بيضحك أوي، بس لحد الساعة 12 بالليل، بعد كده بيبقى عايز ينام".
وأضاف غريب: "كرارة كان من أكتر الناس اللي مريحانا كلنا، وكان حريص إن كل مشهد يطلع أحلى من اللي قبله".
كما روت الفنانة هنا الزاهد موقفًا طريفًا وصعبًا تعرضت له أثناء تصوير أحد مشاهد الفيلم تحت الماء، قائلة: "كان عندي مشهد تحت الماية، المفروض يتصور وأنا تحت، بس كنت بطفو على طول، ما بلحقش أثبت.. فجابولي تقلات حديد وحطوها في البنطلون عشان أغوص"، وتابعت ضاحكة: "أنا غرقت، كانوا مفكرني بعوم، بس أنا كنت بغرق، حطولي التقلات، وكنت مش عارفة آخد نفسي خالص، الحمد لله عدت وعشت".