عزة لبيب: حب الناس هو الجمال الحقيقي.. وابتسامتي مش معناها إني مش بتألم‎

أكدت الفنانة عزة لبيب أن الجمال الحقيقي مش في الملامح، لكنه في القبول وحب الناس،وقالت : "أنا مؤمنة إن الجمال عمره ما كان في الشكل، الجمال الحقيقي هو اللي بيشوفه الناس فيك من جوه".

وأضافت وخلال استضافتها عبر برنامج "كلام الناس" المذاع عبر قناة MBC مصر، أن الناس دايمًا بيربطوا بينها وبين الابتسامة، لكنها أوضحت أن ده مش معناه إن حياتها خالية من الحزن، وتابعت: "أنا حتى لو زعلانة بحاول أكون مبتسمة، مش بحب أزعّل اللي حواليا، لكن ده مش معناه إن جوايا مفيش وجع أو ضيق".

وأشارت إلى أن إحساسها بحب الناس ليها هو اللي بيخليها تستحمل ويمدّها بالقوة، وقالت: "حب الناس ده نعمة مش بتتعوض، وهو اللي بيخليني أقوى وأكمل، من غير ما أتكلف أو أغير من نفسي".

واختتمت كلامها برسالة إنسانية عن الرضا، قائلة: "ربنا مديني قبول، والقبول ده رزق، وأنا بشوف إن ده هو سر الجمال اللي بيفضل مع الإنسان طول عمره".