"تاني" كليب جديد بالطابع الراقص يجمع بين أحمد سعد وروبي
طرح الفنان أحمد سعد والفنانة روبي قبل قليل دويتو جديدًا بعنوان “تاني” على طريقة الفيديو كليب، وذلك ضمن أغنيات ألبوم “بيستهبل” الذي بدأ سعد في إطلاقه عصر اليوم.
وتأتي الأغنية بعد النجاح الذي حققه الثنائي في أغنية “يا ليالي” قبل عامين، لتعيد “تاني” التعاون بينهما في أجواء راقصة تناسب موسم الصيف.
ويبدأ الكليب بموقف طريف يجمع بينهما، حيث يلتقي أحمد سعد بروبي في لوكيشن التصوير ويقول لها: “تاني؟”
الأغنية من كلمات فلبينو، توزيع أحمد طارق يحيى، مكساج هاني محروس، وإخراج أحمد عبد الواحد، وتُعد رابع أغنيات ألبوم “بيستهبل” الذي يُوزّع عبر شركة Viral Wave
*كلمات أغنية تاني*
يا نهار أبيض هي تاني
مش كنا خلصنا ليه جاية تاني؟
طبعا هاتقولي جيالي صدفة
هو انتي فاكراني ياباني
يانهار أبيض هو تاني
جاي يرقص قلبي تاني
خلصت منه أنا في الحقيقه
قام راح طالعلي فالأغاني
تاني انتي تاني
طلعالي دايما هنا وهناك
تاني إنت تاني
غلبت قلبي يا واد بهواك
تاني أنت تاني
لسه الجلالة طبعا وخداك
تاني أيوه تاني
إديني جيت ورقصت معاك.. تاني تاني
كنت فاكرِك فترة عادي
وهتيجي متأخر حياتي
طلعتي مظبوطة بالدقيقة
وكأن بابا كان ساعاتي
كنت فاكرة قلبي هادي
لحد لما جيت قصادي
فضل يدق يا ابن اللذينة
كأن بكرة عيد ميلادي
تفاصيل ألبوم " بيستهبل"
وفي سياق متصل كشف أحمد سعد مؤخراً تفاصيل أغاني الألبوم، حيث قسمها إلى أغاني "الوش الأول" وهي أغنيات "بيستهبل وأخويا ومكسرات وبطة وتاني". كما أعلن أسماء أغاني الوش الثاني وهي "شفتشي واتك اتك وحبيبي ياه ياه واتحسدنا وبلونة.