محمد عبدالمنصف: اللي شدّني للقاء الخميسي إنها بنوتة موهوبة في كل حاجة

تحدث لاعب كرة القدم السابق محمد عبد المنصف عن إعجابه الشديد بزوجته الفنانة لقاء الخميسي في بداياتها، كاشفًا عن الجوانب التي لفتت نظره إليها وجعلته ينجذب لشخصيتها وفنها.

وقال محمد عبد المنصف، خلال حديثه في برنامج "ست ستات" المذاع على قناة DMC: "اللي عجبني في لقاء في البداية إنها كانت عاملة زي البنوتة الصغيرة، كأنك بتتفرجي على الحاجات بتاعة زمان زي فيروز وشريهان، كانت عايزة تعمل كل حاجة: تغني، ترقص، تمثل، وكل ده بحماس البنات اللي عندهم طموح كبير. فده اللي شدني ليها، لأنها بنوتة عندها كل الإمكانيات".

وعن طبيعة علاقتهما، أضاف: "نادراً ما بتعصب على لقاء، أنا شخصيتي هادية جدًا، لكن لما بكون منفعل بيكون الانفعال بزيادة، إنما مش عصبي طول الوقت".

وأشار محمد عبد المنصف إلى أن العِشرة الطويلة جعلته يعرف تفاصيل دقيقة في شخصية لقاء، قائلًا: "عارف إن لقاء بتكون على نياتها، بتتعامل بطبيعتها ومش دايمًا بتاخد بالها إن فيه حاجات ممكن تكون خارجة شوية عن الطبيعي، وساعتها أنا بكون زي زرار الستوب، والأكشن بيبدأ لما نرجع البيت".