أحمد فهمي: كلنا بندوّر على الاستقرار.. والسوشيال ميديا مش مكاني
قال الفنان أحمد فهمي إن الإنسان بطبيعته يسعى دائمًا للاستقرار، سواء على المستوى الشخصي أو العاطفي، مشيرًا إلى أن الوصول إلى "الشريك الحقيقي" رحلة مليئة بالمحاولات، وأضاف: "كلنا بندور على حد يكمل معانا وإن شاء الله تظبط معايا في مرة".
وتحدث احمد فهمي، خلال حواره مع ETبالعربي، عن تجربته الأولى مع مواقع التواصل الاجتماعي، قائلاً: "أول ما دخلت السوشيال ميديا في 2019 كان يوم زفت، كنت برد وأشتم وأقول اللي في دماغي، لكن اكتشفت إن الموضوع ما بيخلصش، دلوقتي بقيت شاري دماغي، وبقول إن حياتي الشخصية ملكي أنا".
نصيحة متكررة للسقا
وأشار إلى علاقته القوية بالفنان أحمد السقا، مؤكدًا أنه من أكثر الأشخاص طيبة وشهامة، وقال: "أنا مش بجامل، وفيه ناس كتير مش بحبها، لكن أحمد السقا من الناس الجدعة جدًا، جدع لدرجة مبالغ فيها، زي الطفل الصغير، وطول الوقت بوصيه: متردش على حد، واشتغل".
واختتم أحمد فهمي حديثه برأي حاسم حول التعامل مع القضايا الشخصية على السوشيال ميديا، قائلًا: "لو أنا نجم وعندي مشكلة شخصية وطرحتها على السوشيال ميديا، يبقى أنا مش نجم بجد، وبسعى أركب التريند من خلال حياة شخص تاني".