عمرو دياب: هاني شنودة قدمني للناس.. وكنت بحب محمد منير منذ بداياتي
أعرب النجم عمرو دياب عن تقديره وامتنانه الكبير للموسيقار هاني شنودة، مشيرًا إلى أنه كان من أوائل من آمنوا بموهبته وقدموا له الدعم الحقيقي في بداية مشواره الفني، في وقت لم يكن فيه الكثيرون يهتمون بالمواهب الشابة.
وقال عمرو دياب، خلال حوار سابق مع الإعلامي عمرو أديب، على قناةmbcمصر: "هاني شنودة ليه فصل كبير في حياتي، لأنه في الوقت ده مكنش فيه حد بيهتم بحد، خصوصًا لو كان نجم كبير وعنده فرقة ناجحة زي فرقة المصريين، يقوم ياخد شاب عنده 20 سنة زيي! أنا قلتله وقتها: نفسي أغني، فرد عليّ وقال لي: تعالَ انزل مصر. وفعلاً، أنا فاكر إنه وداني لكذا حد، وداني الإذاعة وقدمني للناس".
وأضاف: "ده درس كبير لينا كلنا، إننا لو لقينا حاجة كويسة أو شخص موهوب لازم ندعمه، لأن الدعم في بدايات أي فنان بيفرق جدًا. ودي كانت حاجة كبيرة بالنسبالي، إن حد بحجم هاني شنودة يدعمني ويوجهني، وراح معايا أتعلم، ووداني للأستاذ عبد الرحيم منصور والأستاذ صلاح جاهين، ودخلني الاستوديو علمني إزاي أقف قدام المايك، وإزاي أغني".
وتابع عمرو دياب حديثه مؤكدًا: "الاستوديو اللي دخلني فيه هاني شنودة في بدايتي، أنا لحد النهارده لسه بسجل فيه، وده بيعنيلي كتير جدًا".
وفي سياق حديثه عن بداياته وتأثره بكبار الفنانين، قال عمرو دياب: "أنا كنت من الناس اللي معجبة بمحمد منير من أول لحظة، وكنت بسمعه كتير زمان، والحمد لله اتعاملنا مع بعض في أغنية (القاهرة)، واللي جمعتنا فيها تجربة مميزة جدًا. إحنا أصدقاء من عمر طويل، وفي احترام كبير بينا".