أحمد فريد لـ”وشوشة”: “بذمتك” لمستني من أول لحظة.. وسعيد بتعاوني مع كريم محسن
عبر الفنان أحمد فريد عن سعادته الكبيرة بالتعاون الذي جمعه لأول مرة مع الفنان كريم محسن، من خلال أغنية “بذمتك”، التي طُرحت مؤخرًا على “يوتيوب” والمنصات الموسيقية، مشيرًا إلى أن العمل حمل طاقة شعورية صادقة منذ بدايته.
وقال أحمد فريد في تصريح خاص لـ”وشوشة”:
“سعيد جدًا إن أول تعاون ليا مع كريم محسن كان في أغنية زي (بذمتك)، لأن الأغنية لمستني من أول لحظة سمعت فيها فكرتها. فيها إحساس حقيقي وكلام بيعبر عن وجع ناس كتير، وده النوع من الغنا اللي بحب أقدمه، لأنه بيقربني من الناس”.
وأضاف:
“تسجيل الأغنية كان مليان تركيز وصدق، وكنا حريصين نوصل الإحساس زي ما هو، من غير ما نزود أو نجمل. (بذمتك) حالة كلنا مرينا بيها، وإحنا كمطربين بنحاول نوصلها بأبسط وأصدق طريقة”.
وتابع:
“رد فعل الناس على الأغنية مفرح جدًا، وبشكر كريم محسن على روحه وتعاونه، لأنه فنان بيحب اللي بيقدمه، وده انعكس على الشغل جدًا. وإن شاء الله يكون في أعمال تانية قريب، ويستمر الجمهور يشوف فينا حاجات بيحس بيها”.