عمرو أديب: المطرب اللي يوصي بحذف أغانيه بعد موته كان بيغنيها ليه!
أعرب الإعلامي عمرو أديب عن استغرابه من الموجة التي انتشرت مؤخرًا بعد وفاة المطرب الشعبي أحمد عامر، والتي دعت إلى حذف أغانيه من المنصات، وكأنها تحمل شيئًا من "الحرمانية" أو العيب، على حد وصفه.
وقال عمرو أديب خلال حديثه في برنامج "الحكاية" المذاع على قناة mbcمصر: "فجأة لقينا ناس بتطالب بحذف أغاني أحمد عامر، وبدأ عدد من المطربين الشعبيين وغيرهم يقولوا إنهم عايزين بعد موتهم الناس تحذف أغانيهم، علشان الأغاني دي ما تجيبش ليهم سيئات وهما بيتحاسبوا."
وأضاف: "الغريب إنهم بيتكلموا وكأنهم متأكدين إن في الحساب الأغاني دي هتتحط عليهم، طيب هو مش ربنا هيحاسب كل واحد على نيته وعمله سواء الأغاني اتحذفت ولا لأ؟"
وأشار إلى أن التراث الفني الحقيقي لا يُمحى، مؤكدًا: "لو كنا عملنا كده زمان، كنا مسحنا تراث أم كلثوم وعبد الحليم، والناس دي كانت فخورة بالفن اللي قدموه، وأهلهم كمان فخورين باللي سابوه."