شيكابالا: قررت أسلم راية الزمالك لجمهوره.. وزيزو ماصافحنيش بعد رجوعه‎

شيكابالا
شيكابالا

أعلن محمود عبد الرازق شيكابالا، نجم الزمالك وقائده السابق، إن رحلته مع الكرة وصلت لمحطتها الأخيرة، واختار بإرادته إنه يسلم راية النادي مش لأي لاعب، لكن لجمهور الزمالك، اللي وصفه بأنه العاشق الحقيقي وصاحب الفضل الأول في مسيرته.

وقال شيكابالا خلال استضافته عبر برنامج "الكورة مع فايق" المذاع عبر قناة MBC مصر 2: "أنا كنت مقرّر من بدري إن الموسم ده هو الأخير، وحاسس إني قدمت كل حاجة أقدر أقدّمها، والرحلة خلصت بشكل جميل، والجمهور كان مبسوط، وده أهم حاجة عندي".

وأضاف أن في ناس كتير حاولت تقنعه يتراجع عن قراره، لكنه كان حاسم، خصوصًا بعد ما سمع شائعات كتير غلط عن إنه طلب الاستمرار، وقال بوضوح: "ده مش حقيقي، أنا عقدي لسه ممتد سنة، لكن قراري واضح".

وتحدث شيكابالا عن زيزو وقال إنه لو الزمن رجع به، كان هيختاره يحمل الراية بعده، لكن غياب التواصل بينهم بعد عودة زيزو للتدريبات كان مؤلم ليه، خصوصًا إنهم كانوا بيشاركوا الفرحة مع كل هدف، وأضاف: "ما اتكلمناش، وماصافحنيش، وده وجعني جدًا.. زيزو عشرة عمر، وغيابه عن المشهد بالشكل ده مزعلني، بس بتمناله التوفيق من قلبي".

تم نسخ الرابط