هيدي كرم تكشف موعد بدء تصوير “وتر حساس 2” (خاص)

كشفت الفنانة هيدي كرم، عن موعد انطلاق تصوير الجزء الثاني من مسلسل “وتر حساس”، مؤكدة أنه سيبدأ منتصف شهر يوليو المقبل.

هيدي كرم تكشف موعد بدء تصوير “وتر حساس 2”

وقالت في تصريح خاص عبر "وشوشة":"إن شاء الله هنبدأ تصوير الجزء الثاني من "وتر حساس" في نص سبعة، والعمل هيكون مليان أحداث جديدة وساخنة، بنفس مستوى الجزء الأول، ويمكن أكتر، وفي مفاجآت كتير جدًا مستنيين الجمهور بيها".

وتابعت:"الجزء ده هيشهد انضمام شخصيات جديدة، وعلى رأسهم الفنانة غادة عادل، والنجم الكبير كمال أبو ريا، إلى جانب مجموعة من الأسماء القوية، مع احتفاظنا بأغلب أبطال الجزء الأول زي ما هما، ماعدا الفنانة صبا مبارك، اللي غابت عن الجزء ده لظروف تصوير خاصة بيها".

وعن غياب صبا، قالت هيدي:"طبعًا إحنا مفتقدين صبا جدًا، لأنها مش بس زميلة، دي صديقة حقيقية، وشاركنا مع بعض ذكريات جميلة جدًا في الجزء الأول، وكان في بينا كيميا عالية كلنا كممثلين".

وأستكملت حديثها قائلة:" وأنا بتمنالها من قلبي كل التوفيق في مشروعها الجديد، وربنا يوفقها في مسلسلها اللي بتقوم ببطولته".

وأضافت:"وإحنا كمان إن شاء الله ربنا يكرمنا في الجزء ده، ويحقق نفس النجاح، ويمكن أكتر، وإن كان في جزء تالت، فأكيد هتكون صبا معانا بإذن الله".

واختتمت هيدي كرم حديثها قائلة:"التصوير هيستغرق تقريبًا من 3 لـ4 شهور، والمفترض إن عرض المسلسل هيبدأ في منتصف شهر سبتمبر بإذن الله، ونتمنى يعجب الجمهور ويلاقي نفس التفاعل اللي شفناه في الجزء الأول".